സ്വർണവിൽപനയിൽ 25 കോടിയുടെ ജിഎസ്ടി തട്ടിപ്പ്; തട്ടിപ്പ് നടത്തിയത് ഇമാസ് ഗോൾഡ് ആന്റ് ഡയമണ്ട്‌സ്

സ്വർണവിൽപനയിൽ 25 കോടിയുടെ ജിഎസ്ടി തട്ടിപ്പ്. ഇമാസ് ഗോൾഡ് ആന്റ് ഡയമണ്ട്‌സാണ് തട്ടിപ്പുനടത്തിയത്.

നികുതി വെട്ടിച്ച് 2000 കിലോ സ്വർണമാണ് സ്ഥാപനം വിറ്റത്. ഇവിടെ നിന്ന് 16 കിലോ അനധികൃത സ്വർണം പിടിച്ചെടുത്തു.ജിഎസടി ഇന്റലിജൻസാണ് തട്ടിപ്പ് കണ്ടെത്തിയത്. തൃശൂർ, കോഴിക്കോട്, മലപ്പുറം, വയനാട് എന്നീ നാല് ജില്ലകളിലാണ് തട്ടിപ്പ് നടന്നിരിക്കുന്നത്.

ബുധനാഴ്ചയാണ് വയനാട് ഉൾപ്പെടെയുള്ള നാല് ജില്ലകളിൽ ജിഎയ്ടി ഇന്റലിജൻസ് പരിശോധന നടത്തിയത്. 2000 കിലോഗ്രാം സ്വർണമാണ് സ്ഥാപനം അനധികൃതമായി വിറ്റത്. 16 കിലോഗ്രാം സ്വർണമാണ് സ്ഥാപനത്തിൽ നിന്ന് കണ്ടെത്തിയത്.

പരിശോധനയുടെ കൂടുതൽ വിവരങ്ങൾ പുറത്തുവന്നിട്ടില്ല. സംഭവത്തിൽ അന്വേഷണം നടക്കുകയാണെന്നാണ് ജിഎസ്ടി അധികൃതരുടെ മറുപടി.

Story Highlights- Gold, GST