ഡൽഹിയിൽ പ്രതിഷേധം ശക്തമാകുന്നു; മൊബൈൽ,  ഇന്റർനെറ്റ് സേവനങ്ങൾ താത്ക്കാലികമായി നിർത്തിവെച്ചു

പൗരത്വ ഭേദഗതി നിയമത്തിനെതിരെ പ്രതിഷേധം ശക്തമാകുന്ന സാഹചര്യത്തിൽ മൊബൈൽ ഇന്റർനെറ്റ് സേവനങ്ങൾ എയർടെൽ താത്ക്കാലികമായി നിർത്തി. സർക്കാർ നിർദേശം അനുസരിച്ചാണ് നടപടി. ഡൽഹിയിൽ 16 മെട്രോ സ്റ്റേഷനുകൾ താത്ക്കാലികമായി അടച്ചു. പ്രതിഷേധം ശക്തമാകുന്ന സാഹചര്യത്തിൽ ബംഗളൂരുവും മംഗലാപുരവും ഉൾപ്പെടെ കർണാടകത്തിന്റെ വിവിധ ഭാഗങ്ങളിൽ നിരോധനാജ്ഞ ഏർപ്പെടുത്തിയിരിക്കുകയാണ്.

ഡൽഹിൽ മാണ്ഡി ഹൗസിലേക്കു നടത്തിയ പ്രതിഷേധ മാർച്ചിനിടെ സിപിഐ ജനറൽ സെക്രട്ടറി ഡി രാജ, സിപിഎം ജനറൽ സെക്രട്ടറി സീതാറാം യെച്ചൂരി എന്നിവരെ അറസ്റ്റ്‌ചെയ്തു. കോൺഗ്രസ് നേതാവ് സന്ദീപ് ദീക്ഷിത് എന്നിവരെ കസ്റ്റഡിയിലെടുത്തിട്ടുണ്ട്.