സീബ്രാലൈനിലൂടെ റോഡ് മുറിച്ച് കടന്ന യാത്രക്കാരിയെ ഇടിച്ച് തെറിപ്പിച്ച് കെഎസ്ആർടിസി

സീബ്രാലൈനിലൂടെ കടന്ന യാത്രക്കാരിയെ കെഎസ്ആർടിസി ഇടിച്ച് തെറിപ്പിച്ചു. ബിപി അങ്ങാടിയിൽ രാവിലെയാണ് അപകടം നടന്നത്. ഗുരുതരമായി പരിക്കേറ്റ പൂക്കൈത സ്വദേശിനി വിജയലക്ഷ്മിയെ തൃശൂർ അമല ആശുപത്രിയിൽ പ്രവേശിപ്പിച്ചു.

സീബ്രാലൈനിലൂടെ റോഡ് മുറിച്ച് കടന്ന കാൽനടയാത്രക്കാരിയെ കെഎസ്ആർടിസി ഇടിച്ച് തെറിപ്പിക്കുകയായിരുന്നു. ആദ്യം ആലത്തിയൂർ ഇമ്പിച്ചിബാവ ആശുപത്രിയിലും പിന്നീട് തൃശൂർ അമല ആശുപത്രിയിലും പ്രവേശിപ്പിക്കുകയായിരുന്നു. മാലിന്യശേഖരവുമായി ബന്ധപ്പെട്ട് പഞ്ചായത്തിലേക്ക് വരുന്നതിനിടെയാണ് അപകടം സംഭവിച്ചത്. അപകടഞ്ഞെ തുടർന്ന് ഏറെ നേരം ഗതാഗതവും തടസപ്പെട്ടു. പരിക്കേറ്റ വിജയ ലക്ഷ്മി തലക്കാട് ഗ്രാമപഞ്ചായത്ത് ഹരിതകർമ്മ സേനാഗവും പൂക്കൈത സ്വദേശിനിയുമായുമാണ്.