ടിപ്പർ ലോറിയിൽ ബൈക്ക് ഇടിച്ച് മൂവാറ്റുപുഴയിൽ രണ്ടു മരണം

മൂവാറ്റുപുഴ വാളകത്ത് നിർത്തിയിട്ടിരുന്ന ടിപ്പർ ലോറിയിൽ, നിയന്ത്രണം വിട്ട ബൈക്ക് ഇടിച്ച് രണ്ടു പേർ മരിച്ചു. കൊച്ചി ധനുഷ്കോടി ദേശീയ പാതയിൽ പുലർച്ചെ രണ്ട് മണിയോടെയായിരുന്നു അപകടം. ചോറ്റാനിക്കര സ്വദേശി ശ്യാം സുനിൽ, പള്ളിക്കര സ്വദേശി ശ്രാവണി എന്നിവരാണ് മരിച്ചത്.

കോലഞ്ചേരി ഭാഗത്തുനിന്നും മൂവാറ്റുപുഴ ഭാഗത്തേലേക്ക് വരികയായിരുന്ന ബൈക്ക്, കരോട്ട് വാളകത്ത് നിർത്തിയിട്ടിരുന്ന ടിപ്പർ ലോറിയുടെ പിന്നിൽ ഇടിക്കുകയായിരുന്നു. അപകടം രാത്രിയായതിനാൽ ആരും അറിഞ്ഞിരുന്നില്ല. ബൈക്ക് യാത്രക്കാരായ രണ്ട് പേരും സ്ഥലത്ത് വച്ചുതന്നെ മരിച്ചിരുന്നു. പുലർച്ചെ നടക്കാനിറങ്ങിയ സമീപവാസികൾ പോലീസിൽ വിവരമറിയിക്കുകയായിരുന്നു.

Story Highlights: Accident