മലപ്പുറത്ത് പിതാവ് ആറ് വയസുകാരിയെ ലൈംഗികമായി പീഡിപ്പിച്ചെന്ന പരാതിയുമായി അമ്മയുടെ ബന്ധുക്കള്‍

മലപ്പുറത്ത് ഭാര്യയുടെ മരണത്തിൽ ആരോപണം നേരിടുന്ന ഭര്‍ത്താവ് ആറ് വയസുകാരിയായ മകളെ പീഡിപ്പിച്ചതായി പരാതി. മാതാവ് ഭർതൃവീട്ടിൽ ദുരൂഹ സാഹചര്യത്തിൽ മരിച്ചതിൽ ക്രൈംബ്രാഞ്ച് അന്വേഷണം പുരോഗമിക്കുന്നതിനിടെയാണ് പിഞ്ചുമകളെ ഇയാൾ ലൈംഗികമായി പീഡിപ്പിച്ചെന്ന പരാതി. മാതാവിന്റെ വീട്ടുകാർക്കൊപ്പം വിട്ടുകൊടുത്തപ്പോഴാണ് സംഭവം പുറത്തറിയുന്നത്.

ചൈൽഡ് ലൈന്റെയും ചൈൽഡ് വെൽഫെയർ കമ്മറ്റിയുടെയും കൗൺസിലിംഗിലും പിതാവ് പീഡിപ്പിച്ചതായി പെൺകുട്ടി മൊഴി നൽകിയെന്ന് ബന്ധുക്കൾ പറഞ്ഞു. മലപ്പുറം എസ്പിക്കും മുഖ്യമന്ത്രിക്കും പരാതി നൽകി നീതിക്കായി കാത്തിരിക്കുകയാണ് പെൺകുട്ടിയുടെ മാതാവിന്റെ ബന്ധുക്കൾ.

ആറ് വയസുള്ള പെൺകുട്ടിയെ രഹസ്യഭാഗത്ത വേദനയെ തുടർന്ന് ഒറ്റപ്പാലം താലൂക്ക് ആശുപത്രിയിലെത്തിക്കുകയായിരുന്നു. തുടർന്ന് ഡോക്ടറാണ് പെൺകുട്ടി പീഡനത്തിന് ഇരയായതായി സ്ഥിരീകരിച്ച് പൊലീസിൽ വിവരം അറിയിച്ചത്. പിന്നീട് കുട്ടിയെ മെഡിക്കൽ കോളജിലേക്ക് റഫർ ചെയ്തു.

എന്നാൽ സംഭവം കഴിഞ്ഞ് നാല് മാസം പിന്നിട്ടിട്ടും അന്വേഷണത്തിലും ശേഖരിച്ച സാമ്പിളുകൾ രാസപരിശോധനയ്ക്കയക്കുന്നതിലും പൊലീസ് വീഴ്ച വരുത്തിയെന്നാണ് ആരോപണം. പോക്‌സോ കേസ് പ്രതിയായ ഇയാളെ മലപ്പുറം പെരിന്തൽമണ്ണ പൊലീസ് സംരക്ഷിക്കുന്നു. സംഭവത്തിൽ മാതാവിന്റെ ബന്ധുക്കൾ ഹൈക്കോടതിയെ സമീപിക്കാനൊരുങ്ങുകയാണ്.

malappuram, 6 year old girl, sexual molestation,