തിരുവനന്തപുരം വിമാനത്താവളം വഴിയുള്ള സ്വര്‍ണക്കടത്ത് കേസ്; സിബിഐ കുറ്റപത്രം സമര്‍പ്പിച്ചു

തിരുവനന്തപുരം വിമാനത്താവളം വഴിയുള്ള സ്വര്‍ണക്കടത്ത് കേസില്‍ കസ്റ്റംസ് സൂപ്രണ്ട് ഉള്‍പ്പെടെ മൂന്ന് പേര്‍ക്കെതിരെ സിബിഐ കുറ്റപത്രം സമര്‍പ്പിച്ചു. കസ്റ്റംസ് സൂപ്രണ്ടായിരുന്ന ആന്‍സി ഫിലിപ്പ്, കസ്റ്റംസ് ഹവില്‍ദാര്‍ റാണിമോള്‍, ടൂര്‍ ഓപ്പറേറ്റര്‍ ഷബീര്‍ എന്നിവരെ പ്രതി ചേര്‍ത്താണ് കുറ്റപത്രം സമര്‍പ്പിച്ചത്.

കസ്റ്റംസ് ഉദ്യോഗസ്ഥരുടെ ഭാഗത്തു നിന്ന് കുറ്റകരമായ അനാസ്ഥയുണ്ടായെന്നാണ് സിബിഐ കണ്ടെത്തല്‍. തിരുവനന്തപുരം സിബിഐ പ്രത്യേക കോടതിയിലാണ് കുറ്റപത്രം സമര്‍പ്പിച്ചത്. 2018ല്‍ തിരുവനന്തപുരം വിമാനത്താവളം വഴി ഒരു കിലോ സ്വര്‍ണം കടത്തിയെന്നായിരുന്നു കേസ്.