ബാഗ്ദാദിൽ അമേരിക്കയുടെ വ്യോമാക്രമണം; ഇറാൻ രഹസ്യസേനാ വിഭാഗം തലവൻ അടക്കം ഏഴ് പേർ കൊല്ലപ്പെട്ടു

ബാഗ്ദാദിൽ അമേരിക്ക നടത്തിയ വ്യോമാക്രമണത്തിൽ ഏഴ് പേർ കൊല്ലപ്പെട്ടു. ഇറാൻ രഹസ്യസേനാ വിഭാഗം തലവൻ ജനറൽ ഖാസിം സുലൈമാനി അടക്കം ഏഴ് പേരാണ് കൊല്ലപ്പെട്ടത്. ബാഗ്ദാദ് വിമാനത്താവളത്തിലേക്കുള്ള റോഡിൽ ഇന്ന് പുലർച്ചെയായിരുന്നു ആക്രമണം നടന്നത്.

പോപ്പുലർ മൊബിലൈസേഷൻ ഫോഴ്‌സ് എന്നറിയപ്പെടുന്ന ഇറാൻ പിന്തുണയുള്ള ഇറാഖിലെ പൗരസേനകളുടെ ഡെപ്യൂട്ടി കമാൻഡറായ അബു മഹ്ദി അൽ മുഹന്ദിസും ആക്രമണത്തിൽ കൊല്ലപ്പെട്ടിട്ടുണ്ട്. ഇവരുൾപ്പെട്ട സൈനിക സംഘത്തെ ലക്ഷ്യമിട്ട് വെള്ളിയാഴ്ച പുലർച്ചെ അമേരിക്ക റോക്കറ്റാക്രമണം നടത്തുകയായിരുന്നു. ആക്രമണം നടത്തിയതായി യുഎസ് സ്ഥിരീകരിച്ചതായി റോയിട്ടേഴ്‌സ് റിപ്പോർട്ട് ചെയ്തു.

story highlights-  Donald Trump,, air strike, general Qassem Suleimani, Baghdad