സ്വർണവില വീണ്ടും ഉയർന്നു

സ്വർണ്ണവില സർവ്വകാല റെക്കോർഡിൽ. ഇന്ന് ഗ്രാമിന് 15 രൂപ കൂടി 3710 രൂപയായി. പവന് 120 രൂപ ഉയർന്ന് 29,680 രൂപയാണ് ഇന്നത്തെ വില.

ഡിസംബർ മുതൽ കുതിക്കുകയാണ് സ്വർണ വില. ഇന്നലെ ഗ്രാമിന് 60 രൂപ കൂടി 3695 രൂപയായിരുന്നു സ്വർണ വില. ഇന്ന് വീണ്ടും ഗ്രാമിന് 15 രൂപ കൂടി 3710 രൂപയായി. പവന് 480 രൂപ ഉയർന്ന് 29,560 രൂപയായിരുന്നു ഇന്നലത്തെ വില. ഇന്ന് പവന് 120 രൂപയാണ് വീണ്ടും കൂടിയത്. 29,680 രൂപയാണ് പവന് ഇന്നത്തെ വില.

രാജ്യാന്തര നിക്ഷേപകർ വൻതോതിൽ സ്വർണം വാങ്ങുന്നതാണു വില ഉയരാനുള്ള കാരണമായി വിദഗ്ദർ ചൂണ്ടിക്കാട്ടുന്നത്. അന്താരാഷ്ട്ര വിപണിയില്‍ സ്വര്‍ണവില ഉയരുന്നതും ആഭരണ വിപണിയിൽ പ്രതിഫലിക്കുന്നുണ്ട്. അമേരിക്ക ഇറാൻ യുദ്ധ സാഹചര്യങ്ങളും ഇപ്പോഴത്തെ വിലവർധനവിന് കാരണമായി ചൂണ്ടിക്കാട്ടുന്നത്. സ്വർണ്ണവില വീണ്ടും ഉയരാനുള്ള സാധ്യതകളാണ് നിലനിൽക്കുന്നത്.

മുൻപ് സെപ്റ്റംബർ ആദ്യവാരത്തിലാണ് സ്വർണ വില റെക്കോർഡ് ഉയരത്തിലെത്തിയത്. എന്നാൽ, വില പിന്നീട് കുറഞ്ഞെങ്കിലും ഡിസംബറോടെ വില വീണ്ടും ഉയരുകയായിരുന്നു. എന്നാൽ, ദിവസങ്ങൾക്കുള്ളിൽ സ്വർണ വില 3000 കടക്കുമെന്നാണ് വിലയിരുത്തൽ. 2019 ജനുവരി മുതലുള്ള കണക്ക് പരിശോധിക്കുമ്പോൾ സ്വർണവിലയിൽ 5,920 രൂപയുടെ വർധനവാണ് ഉണ്ടായിരിക്കുന്നത്.

Story Highlights: Gold Rate