കേന്ദ്ര മന്ത്രിതല സംഘം ജമ്മുകശ്മീരില്‍ സന്ദര്‍ശനം നടത്തും

പ്രത്യേക പദവി എടുത്തുകളഞ്ഞ് അഞ്ച് മാസങ്ങള്‍ പിന്നിടുന്ന പശ്ചാത്തലത്തിലാണ് സന്ദര്‍ശനം. പുനഃസംഘടനയ്ക്ക് ശേഷം നിയന്ത്രണങ്ങളില്‍ വീര്‍പ്പുമുട്ടിക്കഴിഞ്ഞിരുന്ന സംസ്ഥാനത്തേക്ക് ആദ്യമായാണ് ഒരു ഉന്നതതല സംഘം സന്ദര്‍ശനം നടത്തുന്നത്.

സംസ്ഥാനത്തെ രണ്ട് കേന്ദ്രഭരണ പ്രദേശങ്ങളായി വിഭജിച്ച ശേഷമുണ്ടായ സ്ഥിതിഗതികള്‍ വിലയിരുത്തുകയാണ് സന്ദര്‍ശനത്തിന്റെ പ്രധാന ലക്ഷ്യം. ഇതിനു പുറമെ ആര്‍ട്ടിക്കിള്‍ 370 എടുത്തുകളഞ്ഞ നടപടിയിലൂടെ ജനങ്ങള്‍ക്ക് ലഭിക്കുന്ന സൗകര്യങ്ങളെക്കുറിച്ച് അറിയാനും കേന്ദ്രം നടപ്പിലാക്കുന്ന വികസന പദ്ധതികളെക്കുറിച്ച് ജനങ്ങളെ ബോധവത്കരിക്കാനും ശ്രമിക്കും.

ജനുവരി 17 ന് ചേരുന്ന കേന്ദ്രമന്ത്രിമാരുടെ യോഗത്തിനു ശേഷം സന്ദര്‍ശനത്തിന്റെ കൃത്യമായ തിയതി പ്രഖ്യാപിക്കും.