ഇടുക്കിയിൽ ഒരു കുടുംബത്തിലെ മൂന്ന് പേരെ മരിച്ച നിലയിൽ കണ്ടെത്തി

ഇടുക്കിയിൽ ഒരു കുടുംബത്തിലെ മൂന്ന് പേരെ വിഷം ഉള്ളിൽ ചെന്ന് മരിച്ച നിലയിൽ കണ്ടെത്തി. അടിമാലിക്കടുത്ത് കമ്പിളികണ്ടത്താണ് സംഭവം.

തൊള്ളിതൊട്ടിയിൽ അർത്തിയിൽ ജോസ്,ഭാര്യ മിനി, ഇവരുടെ മകൻ 12 വയസുകാരനായ അഭിജിത്ത് എന്നിവരെയാണ് വീടിനുള്ളിൽ മരിച്ച നിലയിൽ കണ്ടെത്തിയത്. ആറാം ക്ലാസ് വിദ്യാർത്ഥിയാണ് അഭിജിത്ത്. ചിന്നാർ പൊലീസ് അന്വേഷണം ആരംഭിച്ചു. ഫോറൻസിക് വിദഗ്ധരെത്തി പരിശോധന നടത്തി. ആത്മഹത്യയാണെന്നാണ് പ്രാഥമിക വിവരം.

മൂന്ന് മാസം മുൻപ് ജോസിന്റെ അനുജൻ റോയി സമീപത്തെ വീടിനുള്ളിൽ തൂങ്ങി മരിച്ചിരുന്നു.

Story Highlights- Suicide, Idukki