നിർഭയ കേസ്; ഹൈക്കോടതി വിധി നാളെ

നിർഭയ കേസിൽ ഡൽഹി ഹൈക്കോടതി വിധി നാളെ. മരണവാറന്റ് സ്റ്റേ ചെയ്തതിനെതിരായി കേന്ദ്ര സർക്കാർ സമർപ്പിച്ച ഹർജിയിലാണ് വിധി. നാളെ ഉച്ചയ്ക്ക് 2.30 ന് വിധി പറയും.

2012 ഡിസംബർ 16നാണ് നിർഭയ ഓടിക്കൊണ്ടിരിക്കുന്ന ബസിൽ പീഡിപ്പിക്കപ്പെടുന്നത്. വർഷങ്ങൾ നീണ്ട വാദ പ്രതിവാദങ്ങൾക്ക് ശേഷം മുകേഷ് കുമാർ സിംഗ് (32), പവൻ ഗുപ്ത (25), വിനയ് കുമാർ ശർമ (26), അക്ഷയ് കുമാർ (31) എന്നിവരെ ഫെബ്രുവരി ഒന്നിന് വെളുപ്പിന് 6 മണിക്ക് തൂക്കിക്കൊല്ലാൻ കോടതി ഉത്തരവിട്ടു.

എന്നാൽ ഡൽഹി പട്യാല കോടതി വധശിക്ഷ സ്‌റ്റേ ചെയ്തുകൊണ്ട് ഉത്തരവിറക്കി. ഇതിനെതിരെ കേന്ദ്ര സർക്കാർ സമർപ്പിച്ച ഹർജിയിലാണ് നാളെ വിധി പറയുക.

Story Highlights – Nirbhaya, Highcourt