ക്രിസ്തുവിന്റെ അന്ത്യ അത്താഴത്തിന്റെ സ്മരണയിൽ ഇന്ന് പെസഹ

യേശുക്രിസ്തുവിന്റെ അന്ത്യ അത്താഴത്തിന്റെ സ്മരണയിൽ ക്രൈസ്തവ വിശ്വാസികൾ ഇന്ന് പെസഹ ആചരിക്കുന്നു. ക്രിസ്തു, ശിഷ്യൻമാരുടെ പാദങ്ങൾ കഴുകിയതിന്റെയും വിശുദ്ധ കുർബാന സ്ഥാപിച്ചതിന്റെയും ഓർമ പുതുക്കിയാണ് പെസഹ ആചരണം.

കൊവിഡ് വ്യാപന ഭീഷണിയുടെയും ലോക് ഡൗൺ നിയന്ത്രണങ്ങളുടെയും പശ്ചാതലത്തിൽ ജനപങ്കാളിത്തമില്ലാതെയാകും പള്ളികളിൽ പ്രാർത്ഥനകൾ നടക്കുക. കാൽകഴുകൽ ശുശ്രൂഷയും ഇക്കുറിയുണ്ടാകില്ല. വിശ്വാസികൾക്ക് ചടങ്ങുകൾ ഓൺലൈനായി വീട്ടിലിരുന്ന് കാണാൻ പള്ളികൾ സൗകര്യം ഒരുക്കിയിട്ടുണ്ട്.

പെസഹ എന്ന വാക്കിന് അർത്ഥം ‘കടന്നുപോക്ക്’ എന്നാണ്. ക്രൈസ്തവരെ സംബന്ധിച്ച് ഇത് വളരെ പ്രധാനപ്പെട്ട ഒരു ദിവസമാണ്. കേരളത്തിലെ ക്രൈസ്തവ ദേവാലയങ്ങളിൽ രാവിലെ മുതൽ തന്നെ പ്രത്യേക പ്രാർത്ഥനകൾ ആരംഭിച്ചു. അന്ത്യ അത്താഴത്തിന് മുമ്പ് യേശു ശിഷ്യന്മാരുടെ പാദം കഴുകിയതിൻറെ ഓർമ്മയ്ക്ക് കാൽകഴുകൽ ശുശ്രൂഷ രാവിലെയാണ് നടക്കേണ്ടിയിരുന്നതെങ്കിലും കൊവിഡ് പശ്ചാത്തലത്തിൽ ചടങ്ങ് ഒഴിവാക്കി.

Story Highlights- maundy thursday

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top