4ജി സേവനം പുനഃസ്ഥാപിക്കണമെന്ന ഹർജിയിൽ ജമ്മു കശ്മീരിന് സുപ്രിംകോടതിയുടെ നോട്ടിസ്

ജമ്മുകശ്മീരിൽ 4ജി സേവനം പുനഃസ്ഥാപിക്കണമെന്ന ഹർജിയിൽ ജമ്മുകശ്മീർ ഭരണകൂടത്തിന് സുപ്രിംകോടതിയുടെ നോട്ടിസ് . ഒരാഴ്ചയ്ക്കകം മറുപടി നൽകണമെന്ന് ജസ്റ്റിസ് എൻ.വി. രമണ അധ്യക്ഷനായ ബെഞ്ച് ഉത്തരവിട്ടു.

കുട്ടികൾക്ക് വെർച്വൽ ക്ലാസുകൾ എടുക്കാൻ ഇന്റർനെറ്റ് വേഗത ആവശ്യമാണെന്ന് ചൂണ്ടിക്കാട്ടി ഫൗണ്ടേഷൻ ഫോർ മീഡിയ പ്രൊഫഷണൽസ് സംഘടനയാണ് കോടതിയെ സമീപിച്ചത്. അനുച്ഛേദം 370 റദ്ദാക്കിയതിന് ശേഷം കശ്മീരിൽ വലിയ തോതിൽ ഇന്റർനെറ്റ് സേവനത്തിന് നിയന്ത്രണമാണ് ഏർപ്പെടുത്തിയിരുന്നു.

Storyhighlight:jammu kashmir,internet, supremecourt