ഇടുക്കിയിലെ പൊതുപ്രവർത്തകനിൽ നിന്ന് കൊവിഡ് പകർന്ന രണ്ട് പേർ ആശുപത്രി വിട്ടു

ഇടുക്കിയിലെ പൊതുപ്രവർത്തകനിൽ നിന്ന് കൊവിഡ് പകർന്ന രണ്ട് പേർ രോ​ഗം ഭേദമായി ആശുപത്രി വിട്ടു. ബൈസൺ വാലിയിലെ അധ്യാപികയും മകനുമാണ് മെഡിക്കൽ കോളജിലെ ചികിത്സയ്ക്ക് ശേഷം ആശുപത്രി വിട്ടത്. ഇവർ ഉൾപ്പെടെ സംസ്ഥാനത്ത് ഇന്ന് ഒൻപത് പേർ രോ​ഗം ഭേ​ദമായി ആശുപത്രി വിട്ടു.

എറണാകുളത്ത് ചികിത്സയിലുണ്ടായിരുന്ന ആറ് ബ്രിട്ടീഷ് പൗരൻമാർ ആശുപത്രി വിട്ടു. മഞ്ചേരി മെഡിക്കൽ കോളജിൽ ചികിത്സയിലായിരുന്ന മലപ്പുറം തിരൂർ സ്വദേശിയും ആശുപത്രി വിട്ടു. തൃശൂരിൽ ചികിത്സയിലുണ്ടായിരുന്ന സൂറത്ത് സ്വദേശിയായ വസ്ത്ര വ്യാപാരിയുടെ രണ്ടാമത്തെ കൊവിഡ് പരിശോധനാ ഫലവും നെഗറ്റീവായി. കൊച്ചിയിൽ കൊവിഡ് ബാധിതനായിരുന്ന ഊബർ ഡ്രൈവർ വൈകിട്ട് ആശുപത്രി വിടും.