ബം​ഗളൂരുവിൽ ഡോക്ടർക്ക് കൊവിഡ്; ആശുപത്രി അടച്ചു

ബംഗളൂരുവില്‍ ഡോക്ടര്‍ക്ക് കൊവിഡ് സ്ഥിരീകരിച്ചു. ക്വീൻസ് റോഡിലെ ഷിഫ ആശുപത്രിയിൽ ജോലി ചെയ്യുന്ന 32കാരനായ ഡോക്ടർക്കാണ് രോ​ഗം സ്ഥിരീകരിച്ചത്.

നേരത്തേ ആശുപത്രിയിൽ ചികിത്സയ്ക്ക് എത്തിയ ഒരാളുടെ കൊവിഡ് പരിശോധനാഫലം നെ​ഗറ്റീവായിരുന്നു. ഇയാളെ ചികിത്സിച്ചത് ഇപ്പോൾ രോ​ഗം സ്ഥിരീകരിച്ച ഡോക്ടറാണ്. ‌ഡോക്ടർക്ക് രോ​ഗം സ്ഥിരീകരിച്ചതിന് പിന്നാലെ ആശുപത്രി അടച്ചു. ഇവിടുത്തെ 50 ജീവനക്കാരെ നിരീക്ഷണത്തില്‍ ആക്കിയിരിക്കുകയാണ്.

കൊവിഡ് ബാധിച്ച് വിവിധയിടങ്ങളിൽ ഡോക്ടർമാർ ഉൾപ്പെടെയുള്ള ആരോ​ഗ്യപ്രവർത്തകർ ചികിത്സയിൽ കഴിയുന്നുണ്ട്. കൊവിഡ് സ്ഥിരീകരിച്ച് രാജ്യത്ത് ആദ്യമായി ആരോ​ഗ്യപ്രവർത്തകൻ മരിച്ചത് മധ്യപ്രദേശിലാണ്. ഡോക്ടറായ ശത്രുഘ്നൻ പഞ്ച്വാനിയാണ് മരിച്ചത്. ഇതിന് പിന്നാലെ രണ്ട് ഡോക്ടർമാർ കൂടി മരിച്ചിരുന്നു.

Story highlights- Bengaluru,  Covid-19

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top