കൊച്ചി കോർപ്പറേഷൻ അതിർത്തികൾ അടയ്ക്കാൻ തീരുമാനം

കൊച്ചി കോർപ്പറേഷൻ അതിർത്തികൾ അടയ്ക്കാൻ തീരുമാനമായി. പ്രദേശം ഹോട്ട്‌സ്‌പോട്ടായി മാറിയ സാഹചര്യത്തിലാണ് കോർപ്പറേഷൻ അതിർത്തികൾ അടയ്ക്കുന്നത്.

കൊച്ചിൻ കോർപറേഷൻ, മുളവുകാട്, ചുള്ളിക്കൽ എന്നിവയാണ് എറണാകുളം ജില്ലയിലെ ഹോട്ട്‌സ്‌പോട്ടുകൾ. ഇന്നലെ മുതൽ ലോക്ക്ഡൗൺ നിർദേശങ്ങൾ ലംഘിച്ച് കൊച്ചിയിൽ വലിയ രീതിയിൽ വാഹനങ്ങൾ നിരത്തിലിറങ്ങിയിരുന്നു. സോൺ രണ്ടിൽപ്പെട്ട എറണാകുളം ജില്ലയിൽ ഏപ്രിൽ 24 മുതൽ മാത്രമാണ് ലോക്ക് ഡൗൺ ഇളവുകൾ നിലവിൽ വരുക. ഇളവുകൾ ലഭിച്ചുവെന്ന തെറ്റിദ്ധാരണയിൽ ധാരാളം ആളുകൾ നിരത്തിലിറങ്ങുന്ന പ്രവണതയാണ് ഇന്നലെ കണ്ടത്. എന്നാൽ ഹോട്ട്‌സ്‌പോട്ടുകളിൽ ഇളവുകളുണ്ടാകില്ല.

ജില്ലയിൽ 186 പേർ മാത്രമേ നിലവിൽ നിരീക്ഷണത്തിൽ ഉള്ളൂ. പോസിറ്റീവ് കേസുകളുടെ എണ്ണം രണ്ടായും കുറഞ്ഞു. ലോക്ക് ഡൗൺ ഇളവുകൾ രോഗവ്യാപനത്തിലേക്കു കടക്കാതിരിക്കാൻ ജനങ്ങൾ ശ്രദ്ധിക്കണമെന്നും എയർപോർട്ടിൽ വരുന്ന പ്രവാസികൾക്കായി പ്രത്യേക പ്ലാൻ ജില്ലാ ഭരണകൂടം തയ്യാറാക്കിയെന്ന് മന്ത്രി വിഎസ് സുനിൽ കുമാർ ഇന്നലെ അറിയിച്ചിരുന്നു.

Story Highlights- cochin corporation