ബം​ഗളൂരുവിൽ ജയിലിൽ കഴിയുന്ന അഞ്ച് പേർക്ക് കൊവിഡ്

ബം​ഗളൂരുവിലെ രാമന​ഗര സെൻട്രൽ ജയിലിൽ കഴിയുന്ന അഞ്ച് പേർക്ക് കൊവിഡ് സ്ഥിരീകരിച്ചു. കര്‍ണാടകയിലെ പാദരായണപുരയില്‍ പ്രക്ഷോഭത്തില്‍ പങ്കെടുത്തതിനെ തുടര്‍ന്ന് അറസ്റ്റിലായി ജയിലില്‍ കഴിയുന്ന അഞ്ച് പേര്‍ക്കാണ് രോ​ഗം സ്ഥിരീകരിച്ചത്.

ഏപ്രില്‍ 19-നാണ്‌ പാദരായണപുരയില്‍ കലാപമുണ്ടായത്. കലാപത്തില്‍ പങ്കെടുത്തതായി സംശയിക്കുന്ന 149 പേരെ അറസ്റ്റ് ചെയ്തിരുന്നു. ഇതില്‍ 82 പേരെ ബംഗളൂരുവിലെ വിവിധ ക്വാറന്റീൻ കേന്ദ്രങ്ങളിലേക്കും 52 പേരെ രാമനഗര ജയിലിലേയ്ക്കും മാറ്റിയിരുന്നു. കൊവിഡ് സ്ഥിരീകരിച്ചവർ 22 മുതൽ രാമന​ഗര ജയിലിലാണ്.

നഗരത്തിലെ ഹോട്ട് സ്‌പോട്ടുകളിലൊന്നായ പാദരായണപുരയില്‍ നിന്നുള്ളവരായതിനാല്‍ എല്ലാവരിലും കൊവിഡ് പരിശോധന നടത്തിയിരുന്നു.

Story highlights- Bengaluru, test positive for coronavirus in jail

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top