കൊവിഡ്; മലപ്പുറത്ത് 73 പേർ കൂടി നിരീക്ഷണത്തിൽ

മലപ്പുറം ജില്ലയിൽ 73 പേരെ കൂടി നിരീക്ഷണത്തിലാക്കി. ഇതോടെ ജില്ലയിൽ നിരീക്ഷണത്തിലുള്ളവരുടെ എണ്ണം 1,610 ആയി. ജില്ലാ കളക്ടർ ജാഫർ മലിക് അറിയിച്ചതാണ് ഇക്കാര്യം.

നിലവിൽ 28 പേരാണ് രണ്ട് ആശുപത്രികളിലായി ചികിത്സയിലുള്ളത്. 27 പേർ മഞ്ചേരി ഗവ. മെഡിക്കൽ കോളജ് ആശുപത്രിയിലും ഒരാൾ നിലമ്പൂർ ജില്ലാ ആശുപത്രിലുമാണ് ഉള്ളത്. 532 പേരാണ് ഇപ്പോൾ വീടുകളിൽ നിരീക്ഷണത്തിൽ കഴിയുന്നത്. 50 പേർ കൊവിഡ് കെയർ സെന്ററുകളിലും സ്വയം നിരീക്ഷണത്തിൽ കഴിയുന്നു.

അതേസമയം, സംസ്ഥാനത്ത് രണ്ട് പേർക്ക് കൂടി കൊവിഡ് സ്ഥിരീകരിച്ചു. വയനാട്, കണ്ണൂർ എന്നിവിടങ്ങളിലാണ് കൊവിഡ് സ്ഥിരീകരിച്ചത്. എട്ട് പേർ രോഗമുക്തി നേടി. കണ്ണൂർ ആറും ഇടുക്കിയിൽ രണ്ട് പേരുമാണ് രോഗമുക്തി നേടിയത്. സംസ്ഥാനത്ത് ആകെ 499 പേർക്കാണ് ഇതുവരെ രോഗം സ്ഥിരീകരിച്ചത്. ഇതിൽ 96 പേരാണ് നിലവിൽ ചികിത്സയിൽ കഴിയുന്നത്.

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top