Advertisement

വീടിന്റെ ജനാലയിൽ തട്ടിവിളിച്ച് മയിൽ; വൈറൽ വിഡിയോ

May 12, 2020
Google News 4 minutes Read
peacock

പീലിവിടർത്തി നിൽക്കുന്ന ഒരു മയിൽ നിങ്ങളുടെ വീടിന്റെ ജനാലയിൽ തട്ടിയാൽ എങ്ങനെയുണ്ടാകും….? സ്വപ്നത്തിലാണോ എന്ന് ചോദിക്കരുത്. അത്തരമൊരു വിഡിയോയാണ് സമൂഹ മാധ്യമങ്ങളിൽ ഇപ്പോൾ വൈറലാകുന്നത്.

ലോക്ക്ഡൗൺ കാലത്ത് മനുഷ്യരെല്ലാം വീടിനുള്ളിൽ അടച്ചിരിക്കുമ്പോൾ പക്ഷികളും മൃ​ഗങ്ങളുമെല്ലാം അവരുടെ സ്വൈര്യ ജീവിതത്തിലേക്ക് മടങ്ങുന്ന കാഴ്ചയാണ് എങ്ങും കാണുന്നത്. പക്ഷികളും മൃ​ഗങ്ങളുമെല്ലാം റോഡുകളിലൂടെയും പറമ്പുകളിലൂടെയുമെല്ലാം ഇപ്പോൾ നടന്നുതുടങ്ങിയിട്ടുണ്ട്.

​ഗുൻജാൻ മെഹ്ത എന്ന ട്വിറ്റർ അക്കൗണ്ടിൽ നിന്നാണ് മയിൽ വീടിന്റെ ജനാലയിൽ തട്ടുന്നതിന്റെ വിഡിയോ പുറത്തുവിട്ടിരിക്കുന്നത്. നിരവധി പ്രതികരണങ്ങളാണ് വിഡിയോയ്ക്ക് ലഭിച്ചിരിക്കുന്നത്. 52 സെക്കന്റുള്ള വിഡിയോയിൽ മയിൽ ജനാലയ്ക്കു പുറത്തുള്ള ഭാ​ഗത്ത് നിൽക്കുന്നതും ജനാല കൊത്തിപ്പൊട്ടിക്കാൻ ശ്രമിക്കുന്നതും കാണാം. നിരവധിയാളുകളാണ് വിഡിയോ പങ്കുവച്ചിരിക്കുന്നത്. മയിലിന് ജനാല തുറന്നുകൊടുക്കൂ എന്നും, ഒരു കാപ്പി ഓഫർ ചെയ്യൂ എന്നും അടക്കം രസകരമായ പ്രതികരണങ്ങളും വിഡിയോയ്ക്ക് ലഭിച്ചിട്ടുണ്ട്.

Story Highlights: Video peacock knocking on window goes viral

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here