26
Oct 2021
Tuesday
Covid Updates

    കൊവിഡ്: വയനാട്ടില്‍ ഇന്ന് 84 വയസുകാരി ഉള്‍പ്പെടെ രണ്ട് പേര്‍ക്ക് രോഗമുക്തി

    വയനാട്ടില്‍ കൊവിഡ് 19 രോഗം ബാധിച്ച് ചികത്സയിലുണ്ടായിരുന്ന 84 വയസുകാരി ഉള്‍പ്പെടെ രണ്ട് പേര്‍ക്ക് രോഗമുക്തി. 84 വയസുകാരിയായ ലോറി ഡ്രൈവറുടെ അമ്മയും ലോറി ഡ്രൈവറോടൊപ്പം യാത്ര ചെയ്ത ആളുടെ മകനുമാണ് ഇന്ന് രോഗമുക്തരായത്. ഇതോടെ ജില്ലയില്‍ ചികിത്സയിലുള്ളവരുടെ എണ്ണം 17 ആയി.

    അതേസമയം, ജില്ലയില്‍ ആകെ 2157 പേരാണ് നിരീക്ഷണത്തില്‍ കഴിയുന്നത്. പുതുതായി 242 പേര്‍ നിരീക്ഷണത്തില്‍ ആവുകയും 115 പേര്‍ നിരീക്ഷണ കാലം പൂര്‍ത്തിയാക്കുകയും ചെയ്തു. 1065 പേരുടെ സാമ്പിള്‍ പരിശോധനയ്ക്ക് അയച്ചതില്‍ 798 പേരുടെ ഫലം ലഭ്യമായി. ഇതില്‍ 775 പേരുടെ ഫലം നെഗറ്റീവാണ്. 262 സാമ്പിളുകളുടെ ഫലം ലഭ്യമല്ല.

    read also:കൊവിഡ് ഐസിയു ഉദ്ഘാടനം ക്വാറന്റീനിലിരുന്ന് നടത്തി ടിഎൻ പ്രതാപൻ എംപി

    കഴിഞ്ഞ ദിവസം രോഗം സ്ഥിരീകരിച്ച പനവല്ലി സ്വദേശിയുടെ കടയില്‍ വന്നുപോയവരടക്കം 650 ആദിവാസികളെ ഇന്ന് നിരീക്ഷണത്തിലാക്കി. ആദിവാസി കോളനികള്‍ കൂടുതലായുള്ള മേഖലയില്‍ കൂടുതല്‍ ഉദ്യോഗസ്ഥരെ വിന്യസിച്ച് ജാഗ്രത കര്‍ശനമാക്കി. നിലവില്‍ ചികിത്സയിലുള്ള ചില രോഗികള്‍ സമ്പര്‍ക്ക വിവരങ്ങള്‍ മറച്ചു വയ്ക്കുന്നതായി ആരോഗ്യ വകുപ്പ് അധികൃതര്‍ പൊലീസിനെ അറിയിച്ചിട്ടുണ്ട്. ഈ സാഹചര്യത്തില്‍ ഇത്തരക്കാരുടെ സമ്പര്‍ക്ക വിവരങ്ങള്‍ ശേഖരിക്കാന്‍ പ്രത്യേക സംഘത്തെ നിയോഗിക്കുമെന്നും ജില്ലാ പൊലീസ് മേധാവി അറിയിച്ചു. നേരത്തെ രോഗം സ്ഥിരീകരിച്ച മൂന്ന് പൊലീസുകാരുമായി സമ്പര്‍ക്കത്തില്‍ ഏര്‍പ്പെട്ട 140 പൊലീസുകാരാണ് ഇതുവരെ ജില്ലയില്‍ നിരീക്ഷണത്തില്‍ കഴിയുന്നത്.

    Story highlights-Two people cured covid19 including 84-year-old woman

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top