പള്ളി തുറക്കുന്നതിനെ ചോദ്യം ചെയ്തു; ഐഎൻഎൽ നേതാവിന്റെ വീടിന് നേരെ ആക്രമണം

പള്ളി തുറക്കുന്നതിനെ ചോദ്യം ചെയ്ത ഐഎൻഎൽ നേതാവിന്റെ വീടിന് നേരെ ആക്രമണം. നാദാപുരം പുന്നോളി അബ്ദുൾ ഗഫൂറിന്റെ വീടിന് നേരെയാണ് ആക്രമണമുണ്ടായത്.

ഇന്നലെ രാത്രി ഒരു മണിയോടെയാണ് ആക്രമണം നടന്നത്. അക്രമികൾ ഗഫൂറിന്റെ വാഹനം തീയിട്ട് നശിപിച്ചു. ഫയർഫോഴ്‌സെത്തിയാണ് തീയണച്ചത്. ആക്രമണത്തിന് പിന്നിൽ പ്രദേശത്തെ മുസ്ലീം ലീഗ് എസ്ഡിപിഐ പ്രവർത്തകരാണെന്ന് അബ്ദുൽ ഗഫൂർ ആരോപിച്ചു.

കഴിഞ്ഞ ചെറിയ പെരുന്നാൾ ദിവസം ലോക്ക് ഡൗൺ ലംഘിച്ച് നിസ്‌കാരം നടത്താനുള്ള ചിലരുടെ നീക്കം ഗഫൂർ എതിർത്തിരുന്നു. വീട് ആക്രമിച്ച സംഭവത്തിൽ ഗഫൂർ നാദാപുരം പൊലീസിന് പരാതി നൽകി. ഐഎൻഎൽ നാദാപുരം പഞ്ചായത്ത് സെക്രട്ടറിയാണ് ഗഫൂർ.

story highlights- INL, abdul gafoor

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top