കൊവിഡ്; തൃശൂര്‍ ജില്ലയിലെ മാര്‍ക്കറ്റുകള്‍ ശുചികരിക്കുന്ന നടപടികള്‍ ആരംഭിച്ചു

covid19;Thrissur markets have started cleaning up

കൊവിഡ് പ്രതിരോധപ്രവര്‍ത്തനത്തിന്റെ ഭാഗമായി തൃശൂര്‍ ജില്ലയിലെ മാര്‍ക്കറ്റുകള്‍ ശുചികരിക്കുന്ന നടപടികള്‍ ആരംഭിച്ചു. ഇന്നും നാളെയുമായാണ് പ്രവര്‍ത്തികള്‍ നടക്കുക. ജില്ലയിലെ കണ്ടെയ്ന്‍മെന്റ് സോണുകളില്‍ നിന്നും മൂന്ന് മേഖലകളെ ഒഴിവാക്കി. രണ്ടു ദിവസം മാര്‍ക്കറ്റുകള്‍ അടച്ചിട്ടാണ് ശുചീകരണ പ്രവര്‍ത്തികള്‍ നടത്തുന്നത്. ജില്ലയില്‍ കൊവിഡ് കേസുകള്‍ കൂടുന്ന പശ്ചാത്തലത്തില്‍ ചേര്‍ന്ന അവലോകനയോഗ തീരുമാന പ്രകരാമാണ് നടപടി. കൂടുതല്‍ ആളുകള്‍ എത്തുന്ന ജില്ലായിലെ മാര്‍ക്കറ്റുകളിലാണ് ശുചീകരണം. ശക്തന്‍മാര്‍ക്കറ്റില്‍ പ്രവര്‍ത്തികള്‍ ആരംഭിച്ചു.

മൂന്ന് പേര്‍ക്ക് രോഗം സ്ഥിരീകരിച്ചതിനെ തുടര്‍ന്ന് അടച്ച വടക്കേക്കാട് സാമൂഹികാരോഗ്യ കേന്ദ്രത്തിന്റെ പ്രവര്‍ത്തനം പുനരാരംഭിച്ചു. നിയന്ത്രങ്ങളോടെയാണ് പ്രവര്‍ത്തനം. ഇവിടെയുള്ള 49 പേരുടെ പരിശോധനാ ഫലം നെഗറ്റീവാണ്. ജില്ലയില്‍ നിലവിലുണ്ടായിരുന്ന 13 കണ്ടൈയ്ന്‍മെന്റ് സോണുകളില്‍ അടാട്ട്,വടക്കേകാട് പഞ്ചായത്തുകളെയും തൃക്കൂര്‍ പഞ്ചായത്തിലെ 1,4,6,11മുതല്‍14 വരെയുള്ള വാര്‍ഡുകളെയും കണ്ടൈയ്ന്‍മെന്റ് സോണില്‍ നിന്ന് ഒഴിവാക്കി.

 

Story Highlights: covid19;Thrissur markets have started cleaning up

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top
More