കോഴിക്കോട് ജില്ലയില് ഇന്ന് നാല് പേര്ക്ക് കൊവിഡ്; രണ്ടു പേര്ക്ക് രോഗമുക്തി
കോഴിക്കോട് ജില്ലയില് ഇന്ന് നാലു പേര്ക്ക് കൂടി കൊവിഡ് 19 രോഗം സ്ഥിരീകരിച്ചു. രണ്ടു പേര് രോഗമുക്തി നേടുകയും ചെയ്തു.
ഇന്ന് രോഗം സ്ഥിരീകരിച്ചവര്
1. ഫറോക്ക് സ്വദേശി (53) ജൂണ് 13 ന് കുവൈത്തില് നിന്നും വിമാനമാര്ഗം രാത്രി കൊച്ചിയിലെത്തി. സര്ക്കാര് സജ്ജമാക്കിയ വാഹനത്തില് ജൂണ് 14 ന് കോഴിക്കോട് എത്തി. കൊറോണ കെയര് സെന്ററില് നിരീക്ഷണത്തിലായിരുന്നു. വിദേശത്ത് നിന്നും വരുന്നവര്ക്കുള്ള പ്രത്യേക പരിശോധനയുടെ ഭാഗമായി ജൂണ് 26 ന് സ്രവ പരിശോധന നടത്തി പോസിറ്റീവ് ആയതിനെ തുടര്ന്ന് ചികിത്സക്കായി എഫ്.എല്.ടി.സിയിലേക്ക് മാറ്റി.
2 ഏറാമല സ്വദേശി (47) ജൂണ് 15 ന് ഖത്തറില് നിന്നും കൊച്ചിയിലെത്തി. സര്ക്കാര് സജ്ജമാക്കിയ വാഹനത്തില് ജൂണ് 14 ന് കോഴിക്കോട് എത്തി. വളയത്തെ വീട്ടില് നിരീക്ഷണത്തിലായിരുന്നു. സഹയാത്രികന് പോസിറ്റീവ് ആണെന്ന് അറിഞ്ഞതിനെ തുടര്ന്ന് ജൂണ് 27 ന് ഗവ. സജ്ജമാക്കിയ വാഹനത്തില് നാദാപുരം ആശുപത്രിയിലെത്തി സ്രവം പരിശോധനക്ക് നല്കി പോസിറ്റീവ് ആയതിനെ തുടര്ന്ന് ചികിത്സക്കായി എഫ്.എല്.ടി.സിയിലേക്ക് മാറ്റി.
3.രാമനാട്ടുകര സ്വദേശിനി (54) ജൂണ് 18ന് രാത്രി വിമാനമാര്ഗം സൗദിയില് നിന്നും കോഴിക്കോട് എത്തി. സ്വന്തം വാഹനത്തില് വീട്ടിലെത്തി നിരീക്ഷണത്തിലായിരുന്നു. ജൂണ് 27 ന് രോഗലക്ഷണങ്ങളെ തുടര്ന്ന് എഫ്.എല്.ടി.സിയിലേക്ക് മാറ്റി. സ്രവം പരിശോധനക്ക് എടുത്തശേഷം തുടര് ചികിത്സക്കായി മെഡിക്കല് കോളജ് ആശുപത്രിയിലേക്ക് മാറ്റി. പരിശോധനാഫലം പോസിറ്റീവ് ആയതിനെ തുടര്ന്ന് ചികിത്സയിലാണ്.
4. കല്ലായി സ്വദേശിനി (30) ഗര്ഭിണിയായിരുന്നു. ജൂണ് 23ന് ഗര്ഭകാല പരിശോധനക്കായി സ്വകാര്യ ആശുപത്രിയില് പോകുകയും അവിടെ നിന്നുള്ള നിര്ദേശപ്രകാരം കൊവിഡ് പരിശോധനക്കായി ജൂണ് 24ന് മെഡിക്കല് കോളജിന് സമീപമുളള ഡി.ഡി.ആര്.സിയില് സ്രവം പരിശോധനക്ക് നല്കുകയും ചെയ്തു. ജൂണ് 25 ന് സ്വന്തം വീട്ടില് നിന്നും പന്നിയങ്കരയിലെ ഭര്ത്താവിന്റെ വീട്ടിലെത്തി. തുടര്ന്ന് പരിശോധനാഫലം കാണിക്കുന്നതിനായി അന്നുതന്നെ സ്വന്തം കാറില് ഉച്ചക്ക് ശേഷം സ്വകാര്യ ആശുപത്രിയില് എത്തുകയും അവിടെ നിന്നും മെഡിക്കല് കോളജിലേക്ക് റഫര് ചെയ്യുകയും ചെയ്തു. മെഡിക്കല് കോളജ് ആശുപത്രിയില് എത്തി വീണ്ടും സ്രവം പരിശോധനക്കായി എടുത്തു. ജൂണ് 26 ന് പ്രസവിച്ചു. പ്രസവത്തിനു ശേഷം വീണ്ടും സ്രവപരിശോധന നടത്തി. പോസിറ്റീവ് ആയതിനെ തുടര്ന്ന് അവിടെ ചികിത്സയിലാണ്.
ഇന്ന് രോഗം സ്ഥിരീകരിച്ച നാലു പേരുടേയും ആരോഗ്യനില തൃപ്തികരമാണ്. മെഡിക്കല് കോളജ് ആശുപത്രിയില് ചികിത്സയിലായിരുന്ന പുറമേരി സ്വദേശി (42), മൂടാടി സ്വദേശി (50) എന്നിവരാണ് ഇന്ന് ജില്ലയില് രോഗമുക്തി നേടിയത്. നിലവില് 88 കോഴിക്കോട് സ്വദേശികള് കൊവിഡ് പോസിറ്റീവായി ചികിത്സയിലാണ്. ഇതില് 38 പേര് കോഴിക്കോട് മെഡിക്കല് കോളജ് ആശുപത്രിയിലും 45 പേര് ഫസ്റ്റ് ലൈന് ട്രീറ്റ്മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ് ഹൗസിലും മൂന്നു പേര് കണ്ണൂരിലും ഒരാള് മഞ്ചേരി മെഡിക്കല് കോളജ് ആശുപത്രിയിലും ഒരാള് കളമശേരിയിലും ചികിത്സയിലാണ്. ഇതുകൂടാതെ ഒരു വയനാട് സ്വദേശി കൊവിഡ് ഫസ്റ്റ് ലൈന് ട്രീറ്റ്മെന്റ് സെന്ററിലും രണ്ട് വയനാട് സ്വദേശികളും ഒരു മലപ്പുറം സ്വദേശിയും ഒരു തമിഴ്നാട് സ്വദേശിയും കോഴിക്കോട് മെഡിക്കല് കോളജ് ആശുപത്രിയിലും ചികിത്സയിലാണ്.
Story Highlights: covid19, coronavirus, kozhikode
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here