വാഹനമിടിച്ച് യാത്രക്കാരൻ മരിച്ചു; ശ്രീലങ്കൻ വിക്കറ്റ് കീപ്പർ കുശാൽ മെൻഡിസ് അറസ്റ്റിൽ

ശ്രീലങ്കയുടെ വിക്കറ്റ് കീപ്പർ ബാറ്റ്സ്മാൻ കുശാൽ മെൻഡിസ് അറസ്റ്റിൽ. താരം ഓടിച്ച വാഹനം ഇടിച്ച് വഴിയാത്രക്കാരൻ മരിച്ചതിനെ തുടർന്നാണ് മെൻഡിസ് അറസ്റ്റിലായത്. ശ്രീലങ്കൻ തലസ്ഥാനമായ കൊളംബോയിലെ പനദുരയിലാണ് സംഭവം.

Read Also: ഐപിഎൽ ശ്രീലങ്കയിലോ യുഎഇയിലോ നടത്താൻ സാധ്യത; ബിസിസിഐ

സൈക്കിളിൽ യാത്ര ചെയ്തിരുന്ന 74കാരനാണ് മെൻഡിസിൻ്റെ വാഹനം ഇടിച്ച് മരിച്ചത്. ഞായറാഴ്ച പുലർച്ചയോടെ നടന്ന സംഭവത്തിൽ യാത്രക്കാരൻ തത്ക്ഷണം മരിച്ചു.

ശ്രീലങ്കക്കായി 44 ടെസ്റ്റുകളും 76 ഏകദിനങ്ങളും കളിച്ച മെൻഡിസ് യഥാക്രമം 2995, 2167 റൺസ് നേടി. 25 ടി-20കളിൽ നിന്ന് 473 റൺസാണ് അദ്ദേഹത്തിൻ്റെ സമ്പാദ്യം.

Story Highlights: Kusal Mendis Arrested Over Car Accident That Killed Cyclist