ആൻമരിയയുടെ കൊലപാതകം; പ്രതി ആൽബിന്റെ കാമുകിയെ സാക്ഷിയാക്കും

കാസർഗോഡ് സ്വദേശിനി ആൻമരിയ കൊല്ലപ്പെട്ട കേസിൽ പ്രതി ആൽബിന്റെ കാമുകിയെ സാക്ഷിയാക്കും. കോഴിക്കോട് സ്വദേശിനിയാണ് ആൽബിന്റെ കാമുകി. ഇവരുമായുള്ള പ്രണയം വീട്ടുകാർ എതിർത്തത് കൊലപാതക ശ്രമത്തിന് കാരണമായി പൊലീസ് കണ്ടെത്തിയിരുന്നു. ഇതിന്റെ അടിസ്ഥാനത്തിലാണ് ആൽബിന്റെ കാമുകിയെ കേസിൽ സാക്ഷിയാക്കാൻ പൊലീസ് തീരുമാനിച്ചത്.

ഇന്നലെ വൈകിട്ടാണ് ആൽബിന്റെ അറസ്റ്റ് പൊലീസ് രേഖപ്പെടുത്തിയത്. ഇയാൾ കുറ്റം സമ്മതിച്ചിട്ടുണ്ട്. വളരെ ആസൂത്രിതമായാണ് ആൽബിൻ കുടുംബത്തെ കൊല ചെയ്യാൻ പദ്ധതിയിട്ടതെന്ന് പൊലീസ് പറഞ്ഞിരുന്നു. കുടുംബം കൂട്ട ആത്മഹത്യക്ക് ശ്രമിച്ചെന്ന് വരുത്താനായിരുന്നു ശ്രമം. കുടുംബ സ്വത്തായ നാലര ഏക്കർ സ്ഥലം കൈക്കലാക്കി വിറ്റ് നാടുവിടാനും പ്രതി ലക്ഷ്യംവച്ചിരുന്നുവെന്നും പൊലീസ് അറിയിച്ചു.

Read Also :ആൻമരിയ കൊലക്കേസ്; പ്രതി കുറ്റം സമ്മതിച്ചു

ഇൗ മാസം അഞ്ചാം തീയതിയാണ് ആൻമരിയ ആശുപത്രിയിൽ മരിക്കുന്നത്. മഞ്ഞപ്പിത്തം മൂർച്ഛിച്ചാണ് മരണമെന്നാണ് കരുതിയിരുന്നത്. എന്നാൽ കൊവിഡ് പരിശോധനയിൽ ശരീരത്തിൽ എലിവിഷത്തിന്റെ സാന്നിധ്യം കണ്ടെത്തി. ഇതിന് പിന്നാലെ പിതാവിനേയും മാതാവിനേയും എലിവിഷം ഉള്ളിൽ ചെന്ന നിലയിൽ ആശുപത്രിയിൽ പ്രവേശിപ്പിച്ചു. ആൽബിന്റെ ശരീരത്തിൽ എലിവിഷമില്ലാത്തതും സംഭവം കൊലപാതകമാണെന്ന സംശയത്തിലേക്ക് നയിച്ചു. വിഷബാധയേറ്റ അച്ഛൻ ബെന്നിയുടെ ആരോഗ്യനില ഗുരുതരമായി തുടരുകയാണ്.

Story Highlights – Kasaragod murder case