ആലുവ മാർക്കറ്റിലെ കെട്ടിടത്തിൽ മനുഷ്യന്റെ അസ്ഥികൂടം

ആലുവ മാർക്കറ്റിലെ പണിതീരാത്ത കെട്ടിടത്തിൽ മനുഷ്യന്റെ അസ്ഥികൂടം കണ്ടെത്തി. തലയോട്ടിയും ചിതറിയ നിലയിൽ അസ്ഥികളുമാണ് കണ്ടെത്തിയത്. സംഭവത്തിൽ പൊലീസ് അന്വേഷണം തുടങ്ങി.

ആലുവ മാർക്കറ്റിൽ വർഷങ്ങളായി നിർമാണം പൂർത്തിയാകാതെ നിൽക്കുന്ന കെട്ടിടത്തിലാണ് അസ്ഥികൂടം കണ്ടെത്തിയത്. കെട്ടിടത്തിന്റെ ബേസ്‌മെന്റിൽ ഗ്രിൽ പിടിപ്പിക്കാനെത്തിയ തൊഴിലാളികളാണ് അസ്ഥികൂടം കണ്ടെത്തിയത്. തുടർന്ന് പൊലീസിനെ വിവരം അറിയിച്ചു.

പൊലീസും ഫോറൻസിക് സംഘവും സ്ഥലത്തെത്തി പരിശോധന നടത്തി. അസ്ഥികൂടത്തിന് പഴക്കമുണ്ടെന്നാണ് പൊലീസിന്റെ പ്രാഥമിക നിഗമനം.

Story Highlights – Skeleton