കൊല്ലം വയയ്ക്കലില്‍ ഓട്ടോയും കാറും കൂട്ടിയിടിച്ചു മൂന്ന് പേര്‍ മരിച്ചു

കൊല്ലം വയയ്ക്കല്‍ എം.സി റോഡില്‍ ഓട്ടോയും കാറും കൂട്ടിയിടിച്ചു മൂന്ന് പേര്‍ മരിച്ചു. ഓട്ടോ ഡ്രൈവര്‍ രഞ്ജിത്ത്, രമാദേവി, ചെറു മകള്‍ ഗോപിക എന്നിവരാണ് മരിച്ചത്. മരിച്ചവര്‍ മൂന്നുപേരും തേവന്നൂര്‍ സ്വദേശികളാണ്. എം.സി റോഡില്‍ ആനാട് ജംഗ്ഷനില്‍ വച്ചായിരുന്നു അപകടം. വയയ്ക്കലില്‍ നിന്നും ഓണ സാധനങ്ങള്‍ വാങ്ങി തേവന്നൂരിലേക്ക് വന്ന ഓട്ടോയിലേക്ക് അമിതവേഗത്തിലെത്തിയ കാര്‍ പാഞ്ഞുകയറിയാണ് അപകടം ഉണ്ടായതെന്നാണ് റിപ്പോര്‍ട്ട്. കാര്‍ ഡ്രൈവര്‍ ഉറങ്ങിപ്പോയതാണ് അപകടകാരണമെന്ന് പൊലീസ് പറഞ്ഞു.

Story Highlights – Three killed in auto-car collision in Kollam