19
Jun 2021
Saturday

ബ്രസീൽ ഫുട്ബോളിൽ ഇനി വനിതകൾക്കും പുരുഷന്മാർക്കും തുല്യവേതനം

Brazil equal pay football

ബ്രസീൽ ഫുട്ബോളിൽ പുരുഷന്മാർക്കും വനിതകൾക്കും ഇനി തുല്യവേതനം. ബ്രസീൽ ഫുട്ബോൾ പ്രസിഡൻ്റ് റൊജേരിയോ കബോക്‌ലോ ആന് ചരിത്രപരമായ ഈ തീരുമാനം അറിയിച്ചത്. ഫോബ്സിനു നൽകിയ അഭിമുഖത്തിലാണ് അദ്ദേഹം പ്രതികരിച്ചത്. ഓസ്ട്രേലിയ, നോർവേ, ന്യൂസീലൻഡ്, ഫിൻലൻഡ് അടക്കമുള്ള ചില രാജ്യങ്ങൾ നേരത്തെ തുല്യവേതനം ഏർപ്പെടുത്തിയിരുന്നു. 2019 ലോകകപ്പിനു ശേഷം ബ്രസീൽ വനിതാ സൂപ്പർ താരം മാർത്ത തുല്യവേതനത്തിനു വേണ്ടി ശബ്ദിച്ചിരുന്നു.

Read Also : പുരുഷ, വനിതാ താരങ്ങൾക്ക് തുല്യവേതനവുമായി ഫിൻലൻഡ് ഫുട്ബോൾ; ചരിത്രം

“പുരുഷ, വനിതാ താരങ്ങൾക്ക് തുല്യവേതനവും അലവൻസുകളും നൽകാൻ ബ്രസീൽ ഫുട്ബോൾ തീരുമാനിച്ചിരിക്കുന്നു. പുരുഷ താരങ്ങൾ സമ്പാദിക്കുന്നത്ര പണം ഇനി മുതൽ വനിതാ താരങ്ങളും സമ്പാദിക്കും. ബ്രസീൽ ഫുട്ബോൾ സ്ത്രീകളെയും പുരുഷന്മാരെയും തുല്യമായി പരിഗണിക്കുന്നു.”- ബ്രസീൽ ഫുട്ബോൾ പ്രസിഡൻ്റ് പറയുന്നു.

അതേ സമയം, അമേരിക്കൻ വനിതാ ഫുട്ബോൾ താരങ്ങൾ തുല്യവേതനത്തിനായി പൊരുതുകയാണ്. ഇക്കഴിഞ്ഞ വനിതാ ലോകകപ്പിലെ സൂപ്പർ താരമായിരുന്ന അമേരിക്കയുടെ മേ​​ഗൻ റാപ്പിനോ ഏറെ നാളുകളായി തുല്യവേതനത്തിനായി പോരാട്ടം നടത്തി ശ്രദ്ധ നേടിയിരുന്നു.

Story Highlights Brazil announces equal pay for national football teams

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top