അട്ടപ്പാടിയിൽ വീണ്ടും ശിശു മരണം

അട്ടപ്പാടിയിൽ വീണ്ടും ശിശു മരണം. പലകയൂർ സ്വദേശികളായ ദമ്പതിമാരുടെ പെൺകുട്ടിയാണ് മരിച്ചത്.
ഇന്നലെയാണ് സംഭവം.

കോട്ടത്തറ ട്രൈബൽ ആശുപത്രിയിലായിരുന്നു കുഞ്ഞിന്റെ അമ്മ ചികിത്സ തേടിയത്. ആരോഗ്യനില മോശമായതിനാൽ വിദഗ്ധ ചികിത്സയ്ക്കായി ബുധനാഴ്ച പെരിന്തൽമണ്ണ ഇഎംഎസ് സഹകരണ ആശുപത്രിയിലേക്ക് മാറ്റി.

ശാസ്ത്രക്രിയയിലൂടെയാണ് കുട്ടിയെ പുറത്തെടുത്തത്. കുട്ടിക്ക് ഒന്നര കിലോയിൽ താഴെ മാത്രമായിരുന്നു തൂക്കം. കുട്ടിയെ വിദഗ്ധ പരിശോനയ്ക്കായി കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ഇന്നലെ മരിക്കുകയായിരുന്നു. ഇതോടെ, അട്ടപ്പാടിയിൽ ഈ വർഷം മരിച്ച ശിശുകളുടെ എണ്ണം പതിനൊന്ന് ആയി.

Story Highlights – Attappadi, new born