കാണികളുടെ അവഹേളനമില്ലാതെ ആദ്യമായി ഇംഗ്ലണ്ടിൽ കളിച്ചു; ഡേവിഡ് വാർണർ

England David Warner

കാണികളുടെ അവഹേളനമില്ലാതെ ആദ്യമായി ഇംഗ്ലണ്ടിൽ കളിക്കാനായി എന്ന് ഓസീസ് ഓപ്പണർ ഡേവിഡ് വാർണർ. ഇംഗ്ലണ്ടിനെതിരായ ആദ്യ ടി-20ക്ക് ശേഷമാണ് വാർണർ ഇത്തരത്തിൽ ഒരു പ്രതികരണം നടത്തിയത്. കൊവിഡ് പശ്ചാത്തലത്തിൽ ഒഴിഞ്ഞ സ്റ്റേഡിയത്തിലാണ് മത്സരം നടത്തിയത്. ഇതിനു പിന്നാലെയാണ് വാർണറുടെ പ്രതികരണം.

“ഇത് ആദ്യമായാണ് ഇംഗ്ലണ്ടിലെത്തി അവഹേളനം ഏൽക്കാത്തത്. അത് നന്നായി തോന്നി.”- മത്സരശേഷം വാർണർ പറഞ്ഞു. ഇംഗ്ലണ്ട് ആരാധകക്കൂട്ടമായ ബാർമി ആർമി സാൻഡ് പേപ്പർ ഇൻസിഡൻ്റിനു ശേഷം സ്മിത്തിനെയും വാർണറിനെയും രൂക്ഷമായി ട്രോൾ ചെയ്യാറുണ്ടായിരുന്നു.

Read Also : മുംബൈയും ചെന്നൈയും ഉദ്ഘാടന മത്സരത്തിൽ കൊമ്പുകോർക്കും; ഐപിഎൽ മത്സരക്രമം പുറത്തിറക്കി ബിസിസിഐ

ആദ്യ മത്സരത്തിൽ ഇംഗ്ലണ്ട് രണ്ട് റൺസിൻ്റെ ആവേശ ജയം സ്വന്തമാക്കിയിരുന്നു. ആദ്യം ബാറ്റ് ചെയ്ത് 7 വിക്കറ്റ് നഷ്ടത്തിൽ 162 റൺസെടുത്ത ഇംഗ്ലണ്ടിനു മറുപടിയായി 6 വിക്കറ്റ് നഷ്ടത്തിൽ 160 റൺസെടുക്കാനേ ഓസ്ട്രേലിയക്ക് സാധിച്ചുള്ളൂ. 14.1 ഓവറിൽ 12/1 എന്ന നിലയിൽ നിന്നാണ് ഓസ്ട്രേലിയ അവിശ്വസനീയ തോൽവി വഴങ്ങിയത്. വെറും 24 റൺസിനാണ് ഓസ്ട്രേലിയയുടെ അവസാന അഞ്ച് വിക്കറ്റുകൾ വീണത്. 66 റൺസെടുത്ത ഡേവിഡ് മലൻ ഇംഗ്ലണ്ടിനായും 58 റൺസെടുത്ത ഡേവിഡ് വാർണർ ഓസ്ട്രേലിയക്കായും ടോപ്പ് സ്കോറർമാരായി.

Story Highlights For the first time, I wasn’t abused in England: David Warner

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top