ഇന്ത്യയിൽ കഴിഞ്ഞ മെയ് മാസത്തോടെ 64 ലക്ഷം കൊവിഡ് രോഗികൾ ഉണ്ടായിരുന്നു : ഐസിഎംആർ

കഴിഞ്ഞ മെയ് മാസത്തോടെ ഇന്ത്യയിൽ 64 ലക്ഷം കൊവിഡ് രോഗികൾ ഉണ്ടായിരുന്നുവെന്ന് ഐസിഎംആർ. സെറോ സർവേ ഫലത്തിന്റെ അടിസ്ഥാനത്തിലാണ് ഈ ഞെട്ടിക്കുന്ന കണക്ക് തയാറാക്കിയിരിക്കുന്നത്.

ജനസംഖ്യയുടെ 0.73% പേരിലും രോഗം വന്നുപോയിരിക്കാമെന്നാണ് സർവേയിൽ പറയുന്നത്. രോഗം വന്നുപോയവരിൽ ഏറെയും 18നും 45നും മധ്യേ പ്രായമുള്ളവരാണ്. 43.3% പേരിലും കൊവിഡിനെതിരായ ആന്റിബോഡി ഉണ്ടായിരുന്നതായും സർവേ ഫലം വ്യക്തമാക്കുന്നു.

സിറോ പോസിറ്റിവിറ്റി ഏറ്റുവും കൂടുതൽ കാണപ്പെട്ടത് ഗ്രാമങ്ങളിലാണ്. 69.4 ആണ് ശതമാന കണക്ക്. നഗരപ്രദേശത്തെ ചേരികളിൽ സിറോ പോസിറ്റിവിറ്റി 15.9 ശതമാനമായിരുന്നു. ചേരിയല്ലാത്ത പ്രദേശങ്ങളിൽ ഇത് 14.6 ശതമാനമായിരുന്നു.

Story Highlights – 64India Likely Had 6.4 Million Covid Cases in May Says ICMR Sero Survey