ഇടുക്കിയിൽ 77 പേർക്ക് കൊവിഡ്; കൊല്ലത്ത് 330 പേർക്ക് കൊവിഡ്

ഇടുക്കിയിൽ 77 പേർക്ക് ഇന്ന് കൊവിഡ് സ്ഥിരികരിച്ചു. 58 പേർക്ക് സമ്പർക്കത്തിലൂടെയാണ് രോഗബാധയുണ്ടായത് ഇതിൽ ആറു പേരുടെ രോഗ ഉറവിടം വ്യക്തമല്ല. ഇതര സംസ്ഥാനങ്ങളിൽ നിന്നെത്തിയ 18 പേർക്കും വിദേശത്തു നിന്നെത്തിയ ഒരാൾക്കും രോഗബാധയുണ്ടായി 65 പേർ ഇന്ന് ജില്ലയിൽ രോഗമുക്തി നേടി.

Read Also : മലപ്പുറത്ത് 483 പേർക്ക് കൊവിഡ്; കോഴിക്കോട് 536 പേര്‍ക്ക് കൊവിഡ്

കൊല്ലം ജില്ലയിൽ ഇന്ന് കൊവിഡ് ബാധ ഉണ്ടായത് 330 പേർക്കാണ്. ഇതിൽ 306 പേർക്കും രോഗബാധ ഉണ്ടായത് സമ്പർക്കത്തിലൂടെയാണ്. 4 ആരോഗ്യ പ്രവർത്തകർക്കും രോഗബാധ ഉണ്ടായി. ജില്ലയിൽ ഒരു കൊവിഡ് മരണം കൂടി സ്ഥിരീകരിച്ചു. കൊല്ലം കോയിവിള സ്വദേശിനി രാധാമ്മയുടെ മരണമാണ് സ്ഥിരീകരിച്ചത്. 151 പേർ രോഗമുക്തി നേടി ആശുപത്രിവിട്ടു.

Story Highlights – Idukki Kollam covid update