കൊച്ചിയിൽ നാവികസേനയുടെ ഗ്ലൈഡർ തകർന്നുവീണു; രണ്ട് ഉദ്യോഗസ്ഥർക്ക് പരുക്ക്

കൊച്ചിയിൽ നാവികസേനയുടെ ഗ്ലൈഡർ തകർന്നുവീണു. ഇന്ന് രാവിലെ ഏഴ് മണിയോടെയാണ് സംഭവം. രണ്ട് ഉദ്യോഗസ്ഥർക്ക് പരുക്കേറ്റു.

ബി.ഒ.ടി പാലത്തിന് സമീപത്താണ് അപകടം നടന്നത്. പരിശീലന പറക്കലിനിടെയാണ് സംഭവം. ഒഴിഞ്ഞ ഭാഗത്തെ റോഡിലേക്കാണ് ഗ്ലൈഡർ തകർന്നുവീണത്. പരുക്കേറ്റ ഉദ്യോഗസ്ഥരെ ഐഎൻഎസ് സഞ്ജീവനിയിലേക്ക് മാറ്റി.