ഇന്ത്യയുടെ ഓസീസ് പര്യടനം നവംബർ 27 മുതൽ; ടീം പ്രഖ്യാപനം ഈ ആഴ്ചയെന്ന് റിപ്പോർട്ട്

ഇന്ത്യയുടെ ഓസീസ് പര്യടനം നവംബർ ഏഴ് മുതൽ ആരംഭിക്കും. കൊവിഡ് ഇടവേളയ്ക്കു ശേഷം ഇന്ത്യ കളിക്കുന്ന ആദ്യ രാജ്യാന്തര പരമ്പരയാവും ഇത്. നാല് ടെസ്റ്റുകളും മൂന്ന് വീതം ഏകദിന, ടി-20 മത്സരങ്ങളും പര്യടനത്തിൽ ഉണ്ടാവും. ഏകദിന പരമ്പരയോടെയാണ് പര്യടനത്തിനു തുടക്കമാവുക.

Read Also : ഓസ്ട്രേലിയയ്ക്ക് അവസാന 8 വിക്കറ്റുകൾ നഷ്ടമായത് 63 റൺസിന്; അവിശ്വസനീയ ജയവുമായി ഇംഗ്ലണ്ട്

എല്ലാ ഏകദിന മത്സരങ്ങളും സിഡ്നിയിലാണ് നടക്കുക. കാൻബറയിൽ ആദ്യ ടി-20 മത്സരം നടക്കും. അടുത്ത രണ്ട് മത്സരങ്ങളും സിഡ്നിയിൽ തന്നെ നടക്കും. ഡിസംബർ 17 മുതൽ അഡലെയ്ഡിൽ നടക്കുന്ന ആദ്യ ടെസ്റ്റ് ഡേ-നൈറ്റ് മത്സരമാണ്. അടുത്ത ടെസ്റ്റ്, മെൽബണിൽ നടക്കും. ബോക്സിംഗ് ഡേ ടെസ്റ്റിനു ശേഷം അഡലെയ്ഡിൽ തന്നെ മൂന്നാം മത്സരവും നടക്കും.

ന്യൂസൗത്ത്‌വെയിൽസ് സർക്കാർ ഇന്ത്യൻ ടീമിൻ്റെ ക്വാറൻ്റീൻ നിബന്ധനകൾ അംഗീകരിച്ചിട്ടുണ്ട്. ബയോബബിളിൽ തന്നെയാവും ടീം.

Read Also : ക്രിക്കറ്റ് ഓസ്ട്രേലിയയുമായുള്ള 450 മില്ല്യൺ ഡോളറിന്റെ കരാർ റദ്ദാക്കാനൊരുങ്ങി സെവൻ വെസ്റ്റ് മീഡിയ; ഇന്ത്യൻ പര്യടനം സംശയത്തിൽ

കൊവിഡ് സബ്സ്റ്റിറ്റ്യൂട്ട് മാനദണ്ഡങ്ങൾ നിലനിൽക്കുന്നതിനാൽ ബിസിസിഐ 32 അംഗ ടീമിനെ പ്രഖ്യാപിക്കുമെന്നാണ് വിവരം. ഈ ആഴ്ചാവസാനം തന്നെ ടീം തീരുമാനിക്കപ്പെടും. അതുകൊണ്ട് തന്നെ പരുക്കോ കൊവിഡോ പോലുള്ള പ്രതിസന്ധി ഉണ്ടായാലും പകരക്കാരെ ഓസ്ട്രേലിയയിലേക്ക് വിളിച്ചു വരുത്തേണ്ട ആവശ്യം ഉണ്ടാവില്ല. ഓസ്ട്രേലിയയിലെ യാത്രാ നിയന്ത്രണങ്ങളും കൊവിഡ് മാനദണ്ഡങ്ങളും പരിഗണിച്ച് ഈ നീക്കം ബുദ്ധിപരമാണെന്നും ബിസിസിഐ വിലയിരുത്തുന്നു.

Story Highlights – indias tour of australia from november 27