കൊവിഡാനന്തര ചികിത്സ; പോസ്റ്റ് കൊവിഡ് കെയര് സിസ്റ്റം ആരോഗ്യ വകുപ്പ് രൂപീകരിക്കും
കൊവിഡാനന്തര ചികിത്സയ്ക്കായുള്ള പോസ്റ്റ് കൊവിഡ് കെയര് സിസ്റ്റം ആരോഗ്യ വകുപ്പ് രൂപീകരിക്കുമെന്ന് മുഖ്യമന്ത്രി പിണറായി വിജയന്. കൊവിഡാനന്തര ചികിത്സയുടെ പ്രാധാന്യം നേരത്തെ തന്നെ പറഞ്ഞതാണ്. കൊവിഡ് രോഗബാധ വന്നു പോയതിനു ശേഷം നല്ല രീതിയിലുള്ള പരിചരണം രോഗികള്ക്ക് ആവശ്യമാണ്. അതിനാവശ്യമായ പോസ്റ്റ് കൊവിഡ് കെയര് സിസ്റ്റം ആരോഗ്യ വകുപ്പ് രൂപീകരിക്കും. അതിനുള്ള മാര്ഗനിര്ദേശം ഉടനെ തയാറാക്കും. ടെലിമെഡിസിന് സൗകര്യം ഇനിയും വിപുലപ്പെടുത്തുമെന്നും മുഖ്യമന്ത്രി പറഞ്ഞു. കൊവിഡ് 19 അവലോകന യോഗത്തിന് ശേഷം മാധ്യമങ്ങളെ കാണുകയായിരുന്നു മുഖ്യമന്ത്രി.
കഴിഞ്ഞ കുറച്ചു നാളുകളായി സംസ്ഥാനത്ത് രോഗവ്യാപനം വര്ധിച്ച സാഹചര്യത്തില് കേസ് പെര് മില്യണ് ഉയര്ന്നു. ദേശീയ ശരാശരി 5790 ആണ്. അതിനനുസൃതമായി ടെസ്റ്റുകളുടെ എണ്ണം വര്ധിപ്പിച്ചിട്ടുണ്ട്. 123524 ആണ് കേരളത്തിലെ നിലവിലെ ടെസ്റ്റ് പെര് മില്യണ്. ഇന്ത്യയില് അത് 76440 ആണ്. ഇന്നലെ വരെയുള്ള ആക്റ്റീവ് കേസുകളില് 3885 പേര് കൊവിഡ് ഹോസ്പിറ്റലുകളില് ചികിത്സയിലാണ്. കൊവിഡ് സെക്കന്ഡ് ലൈന് ട്രീറ്റ്മെന്റ്് സെന്ററുകളില് 2786 പേരും, ഫസ്റ്റ് ലൈന് ട്രീറ്റ്മെന്റ് സെന്ററുകളില് 10478 പേരും ഡൊമിസിലിയറി കെയര് സെന്ററുകളില് 1495 പേരും നിലവില് ചികിത്സ തേടുന്നു. വീട്ടില് തന്നെ ചികിത്സിക്കുന്നവര് 62,448 പേരാണെന്നും മുഖ്യമന്ത്രി പറഞ്ഞു.
Story Highlights – post covid care system will be set up by the Department of Health
ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here