വിവിധ സർക്കാർ പദ്ധതികളിലേക്കും എൻഫോഴ്‌സ്‌മെന്റ് ഡയറക്ടറേറ്റ് അന്വേഷണം വ്യാപിപ്പിക്കുന്നു

ed extends probe to various govt projects

മുഖ്യമന്ത്രിയുടെ മുൻ പ്രിൻസിപ്പൽ സെക്രട്ടറിയും സ്വർണക്കടത്ത് കേസ് പ്രതിയുമായ എം ശിവശങ്കർ ഇടപെട്ട് നടപ്പാക്കിയ വിവിധ പദ്ധതികളെ കുറിച്ച് എൻഫോഴ്‌സ്‌മെന്റ് ഡയറക്ടറേറ്റ് അന്വേഷിക്കുന്നു. കെ ഫോൺ, ഇ-മൊബിലിറ്റി അടക്കമുള്ള പദ്ധതികളും അന്വേഷണ പരിധിയിൽ വരും.

ഇത് സംബന്ധിച്ച് സംസ്ഥാന ഐ.ടി സെക്രട്ടിക്ക് എൻഫോഴ്‌സ്‌മെന്റ് ഡയറക്ടറേറ്റ് നോട്ടിസ് നൽകി. എം ശിവശങ്കർ നടത്തിയ ഇടപാടിന്റെ വിവരങ്ങൾ തേടിയാണ് നോട്ടിസ്. പദ്ധതികളുടെ ധാരണാപത്രം, ഭൂമി ഏറ്റെടുത്തതിന്റെ വിശദാംശങ്ങൾ എന്നിവയാണ് തേടിയത്. പദ്ധതികളുടെ മറവിൽ കോടിക്കണക്കിന് രൂപയുടെ അഴിമതി നടന്നെന്നാണ് ഇ.ഡിയുടെ പ്രാഥമിക നിഗമനം.

ശിവശങ്കർ മേൽനോട്ടം വഹിച്ച ലൈഫ്മിഷനുമായി ബന്ധപ്പെട്ട വിശദാംശങ്ങളും നേരത്തെ ഇ.ഡി തേടിയിരുന്നു. ഇതിന് പിന്നാലെയാണ് മറ്റു പദ്ധതികളിലേക്കും ഇ.ഡി അന്വേഷണം വ്യാപിപ്പിച്ചിരിക്കുന്നത്.

Story Highlights ed extends probe to various govt projects

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top