20
Jun 2021
Sunday

കള്ളപ്പണക്കേസ്; മുഖ്യമന്ത്രിയുടെ അഡീഷണൽ പ്രൈവറ്റ് സെക്രട്ടറി സി.എം രവീന്ദ്രന് നേരിട്ട് നോട്ടീസ് നൽകാൻ ഇ.ഡിയുടെ നീക്കം

കള്ളപ്പണക്കേസിൽ മുഖ്യമന്ത്രിയുടെ അഡീഷണൽ പ്രൈവറ്റ് സെക്രട്ടറി സി.എം.രവീന്ദ്രന് നേരിട്ട് നോട്ടീസ് നൽകാൻ ഇ.ഡിയുടെ(എൻഫോഴ്‌സ്‌മെന്റ് ഡയറക്ടറേറ്റ്) നീക്കം. അന്വേഷണത്തോട് സഹകരിക്കാതിരിക്കുകയോ ഒഴിഞ്ഞു മാറുകയോ ചെയ്താൽ ഇ.ഡി കടുത്ത നടപടികളിലേക്ക് കടക്കും. നാളെയോ തൊട്ടടുത്ത ദിവസങ്ങളിലോ നടപടി പ്രതീക്ഷിക്കാമെന്ന് ഇ.ഡിയുമായി ബന്ധപ്പെട്ട ഉന്നത ഉദ്യോഗസ്ഥർ വ്യക്തമാക്കി.

കേസിലെ നിർണായക കണ്ണിയായ സി.എം രവീന്ദ്രന്റെ ചോദ്യം ചെയ്യൽ അപ്രതീക്ഷിതമായി നീണ്ട സാഹചര്യത്തിലാണ് ഇഡിയുടെ പുതിയ നീക്കം. ചോദ്യം ചെയ്യലിൽ ഇനിയൊരു കാലതാമസം ഒഴിവാക്കുകയാണ് ഇതിലൂടെ ഏജൻസി ലക്ഷ്യമിടുന്നത്. സി.എം രവീന്ദ്രൻ അന്വേഷണത്തോട് സഹകരിക്കാതിരിക്കുകയോ ഒഴിഞ്ഞു മാറുകയോ ചെയ്താൽ എം.ശിവശങ്കറിന്റെ കാര്യത്തിലേതു പോലെ കസ്റ്റഡിയിലെടുക്കലടക്കം സംഭവിച്ചേക്കാം. നേരത്തെ രണ്ടു തവണ നോട്ടീസ് നൽകിയെങ്കിലും സി.എം രവീന്ദ്രൻ അന്വേഷണസംഘത്തിന് മുൻപാകെ ഹാജരായിരുന്നില്ല. ആദ്യം കൊവിഡ് രോഗബാധ മൂലവും രണ്ടാമത് കൊവിഡാനന്തര ചികിത്സയുടെ ഭാഗമായുമാണ് ഹാജരാകാതിരുന്നത്. അതേസമയം, നാളെയോ തൊട്ടടുത്ത ദിവസങ്ങളിലോ നടപടി പ്രതീക്ഷിക്കാമെന്ന് ഇ.ഡിയുമായി ബന്ധപ്പെട്ട ഉന്നത ഉദ്യോഗസ്ഥർ വ്യക്തമാക്കി.

Story Highlights Counterfeit money case; ED moves to issue notice directly to CM’s Additional Private Secretary CM Raveendran

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top