സ്വർണക്കടത്ത് കേസ് ; എം ശിവശങ്കറിന്റെ കസ്റ്റഡി അപേക്ഷയിൽ കോടതി ഇന്ന് വിധി പറയും

നയതന്ത്ര ചാനലിലൂടെ സ്വർണം കടത്തിയ കേസിലെ പ്രതി എം ശിവശങ്കറിന്റെ കസ്റ്റഡി അപേക്ഷയിൽ എറണാകുളം സാമ്പത്തിക കുറ്റാന്വേഷണ കോടതി ഇന്ന് വിധി പറയും. ശിവ ശങ്കറിനെ ഏഴു ദിവസത്തേക്ക് കസ്റ്റഡി ലഭിക്കണമെന്നാണ് കസ്റ്റംസ് കോടതിയിൽ ആവശ്യപ്പെട്ടത്.

അതേസമയം, ശിവശങ്കരനെ കസ്റ്റഡിയിൽ വിട്ടു നൽകരുതെന്നും ശിവശങ്കര കൈയ്യിൽ നിന്നും മൊബൈൽഫോൺ കണ്ടെത്തിയിട്ടില്ലെന്നും പ്രതിഭാഗം കോടതിയിൽ പറഞ്ഞിരുന്നു. തുടർന്ന് കസ്റ്റഡി അപേക്ഷയിൽ വിധിപറയുന്നത് ഇന്നത്തേക്ക് മാറ്റുകയായിരുന്നു കോടതി. എന്നാൽ, സ്വപ്ന സരിത് എന്നിവരെ മൂന്നു ദിവസത്തേക്ക് കൂടി കസ്റ്റംസ് കസ്റ്റഡിയിൽ വിട്ടു നൽകുകയും ചെയ്തിരുന്നു. വിദേശ കറൻസി കടത്ത് അതീവ ഗൗരവമുള്ളതാണെന്നും. കൂടുതൽ ഉന്നതർ ഉൾപ്പെട്ടതായി സംശയിക്കുന്നതായും കോടതി ചൂണ്ടിക്കാട്ടിയിരുന്നു.

Story Highlights – Gold smuggling case; The court will give its verdict today on the custody application of M Sivasankar