ശ്രീരാമന്റെ ഫ്‌ളെക്‌സ് ഉയർത്തിയത് വലിയ പാതകമല്ലെന്ന് കേന്ദ്ര മന്ത്രി വി.മുരളീധരൻ

പാലക്കാട് നഗരസഭയിൽ ശ്രീരാമന്റെ ഫ്‌ളെക്‌സ് ഉയർത്തിയത് വലിയ പാതകമല്ലെന്ന് കേന്ദ്ര മന്ത്രി വി.മുരളീധരൻ. ജയ് ശ്രീറാം വിളി കുറ്റമാണെന്ന് രാജ്യത്ത് ആരും പറഞ്ഞിട്ടില്ല. ശ്രീരാമൻ ജാതിമത വ്യത്യാസമില്ലാതെ ജനം അംഗീകരിക്കുന്ന പ്രതീകമാണെന്നും വി മുരളീധരൻ പറഞ്ഞു.

വിവാദം ഉണ്ടാക്കുന്നത് മതവിദ്വേഷം പടർത്താൻ ലക്ഷ്യമിടുന്നവരാണ്. ഭഗവത് ഗീത ഒരു മതത്തിന്റെ പ്രതീകമാണെങ്കിൽ മാർപാപ്പയ്ക്ക് പണ്ട് ഇ.കെ.നായനാർ ഭഗവത് ഗീത നൽകിയത് തെറ്റല്ലേയെന്നും വി.മുരളീധരൻ ചോദിച്ചു.