Advertisement

ഹരിയാനയിൽ കാർഷിക നിയമങ്ങളെ അനുകൂലിച്ച് നടത്താനിരുന്ന പരിപാടിയിൽ സംഘർഷം; പൊലീസ് ലാത്തി വീശി

January 10, 2021
Google News 2 minutes Read

ഹരിയാന കർണാലിൽ കാർഷിക നിയമങ്ങളെ അനുകൂലിച്ച് നടത്താനിരുന്ന കിസാൻ മഹാപഞ്ചായത്ത് പരിപാടിയിൽ സംഘർഷം. പരിപാടിക്കെതിരെ ഒരു സംഘം കർഷകർ രംഗത്തുവന്നതോടെയാണ് സംഘർഷമുണ്ടായത്. കർഷകർക്ക് നേരെ പൊലീസ് ലാത്തിവീശി.

കാർഷിക നിയമങ്ങളെ അനുകൂലിക്കുന്ന കർഷകരെ ഒപ്പം നിർത്താൻ സംസ്ഥാനങ്ങളിൽ ബിജെപി വിവിധ പരിപാടികൾ ആസൂത്രണം ചെയ്തിരുന്നു. ഇതിന്റെ ഭാഗമായിട്ടാണ് ഹരിയാന കർണാലിലെ കൈംല ഗ്രാമത്തിൽ കിസാൻ മഹാപഞ്ചായത്ത് എന്ന പേരിൽ മുഖ്യമന്ത്രി മനോഹർ ലാൽ ഖട്ടറിന്റെ നേതൃത്വത്തിൽ പരിപാടി നിശ്ചയിച്ചത്. പരിപാടിയിൽ റോഡുമാർഗം വന്നാൽ മുഖ്യമന്ത്രിയെ തടയാൻ കർഷകർ ദേശീയ പാതയിൽ തടിച്ചുകൂടിയതോടെ, ഹെലികോപ്റ്റർ മാർഗം വരാനായിരുന്നു മുഖ്യമന്ത്രിയുടെ നീക്കം. എന്നാൽ ട്രാക്ടറുമായി പരിപാടി വേദിയിലേക്ക് കർഷകർ പ്രതിഷേധം മാറ്റിയതോടെ മണിക്കൂറോളം സ്ഥലം സംഘർഷ ഭൂമിയായി. പരിപാടി വേദിയും ഹെലിപാഡും കർഷകർ കയ്യടക്കി. കർഷകർക്ക് നേരെ പൊലീസ് ലാത്തി വീശുകയും കണ്ണീർ വാതകം പ്രയോഗിക്കുകയും ചെയ്തു.

പ്രദേശത്ത് സംഘർഷാവസ്ഥ തുടരുകയാണ്. കർഷകരുടെ ശക്തമായ പ്രതിഷേധത്തെ തുടർന്ന് മുഖ്യമന്ത്രിക്ക് പരിപാടി റദ്ദാക്കേണ്ടി വന്നു. കർഷക സമരം നീണ്ടതോടെ ബിജെപിക്കും കേന്ദ്രസർക്കാറിനെതിരെ ശക്തമായ പ്രതിഷേധമാണ് കർഷകർക്കിടയിൽ ഉള്ളത്.

Story Highlights – Khattar’s kisan panchayat to support farm laws riles up protesting farmers

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here