യേശുദാസിന്റെ ജന്മദിനത്തിൽ അദ്ദേഹത്തിനായി കവിത സമർപ്പിച്ച് ശ്രീകുമാരൻ തമ്പി: വിഡിയോ

ഗാനഗന്ധർവൻ കെജെ യേശുദാസിൻ്റെ ജന്മദിനത്തിൽ അദ്ദേഹത്തിനായി കവിത സമർപ്പിച്ച് ഗാനരചയിതാവായ ശ്രീകുമാരൻ തമ്പി. തൻ്റെ ഫേസ്ബുക്ക് പേജിലൂടെയാണ് ശ്രീകുമാരൻ തമ്പി ജന്മപുണ്യം എന്ന തൻ്റെ കവിത ചൊല്ലി സമർപ്പിച്ചത്. യേശുദാസിന് അദ്ദേഹം ജന്മദിനാശംസകളും നേർന്നു.

വർഷങ്ങൾക്കു മുൻപ് താൻ യേശുദാസിനെപ്പറ്റി എഴുതിയ കവിതയാണ് ഇതെന്ന് ശ്രീകുമാരൻ തമ്പി വിഡിയോയിൽ പറയുന്നു. 14 വരികളാണ് ഉള്ളത്. മുൻപ് ഒരാൾ ഈ കവിത പാടിയിട്ടുണ്ടെന്നും അന്ന് കവിതയിൽ അക്ഷരത്തെറ്റ് വന്നിരുന്നു എന്നും ശ്രീകുമാരൻ തമ്പി വിഡിയോയിലൂടെ പറയുന്നു.

ഇന്ന് 81ആം പിറന്നാൾ ആഘോഷിക്കുന്ന യേശുദാസിന് നിരവധി ആളുകളാണ് ആശംസകൾ അറിയിച്ചത്.