തെലങ്കാനയിൽ കൊവിഡ് വാക്സിൻ സ്വീകരിച്ച മൂന്നാമത്തെ ആരോഗ്യ പ്രവർത്തകയും മരിച്ചു; വാക്സിൻ പാർശ്വഫലമല്ല മരണകാരണമെന്ന് അധികൃതർ

തെലങ്കാനയിൽ കൊവിഡ് വാക്സിൻ സ്വീകരിച്ച ആരോ​ഗ്യ പ്രവർത്തക മരിച്ചു. ഇന്ത്യയിൽ കൊവിഡ് വാക്സിനേഷൻ ആരംഭിച്ചതിന് പിന്നാലെ തെലങ്കാനയിൽ മരണപ്പെടുന്ന മൂന്നാമത്തെ ആരോ​ഗ്യ പ്രവർത്തകയാണ് ഇത്.

തെലങ്കാന മാഞ്ചീരിയ ജില്ലയിലെ കാശിപ്പേട്ട് ​ഗ്രാമത്തിലെ 55 കാരിയാണ് മരണപ്പെട്ടത്. ജനുവരി 19നാണ് പിഎച്ച്സി കാശിപേട്ടിൽ നിന്ന് ആരോ​ഗ്യ പ്രവർത്തക കൊവിഡ് വാക്സിൻ സ്വീകരിച്ചത്.

വാക്സിൻ സ്വീകരിച്ചതിന് പിന്നാലെ ആരോ​ഗ്യ പ്രവർത്തകയ്ക്ക് ശ്വാസ തടസവും മറ്റ് ദേഹാസ്വാസ്ഥ്യങ്ങളും അനുഭവപ്പെട്ടിരുന്നു. തുടർന്ന് മെഡിലൈഫ് ആശുപര്തിയിൽ പ്രവേശിപ്പിക്കുകയായിരുന്ന. ആരോ​ഗ്യ നില വഷളായതിനെ തുടർന്ന് ഇവരെ നിംസ് ഹൈദരാബാദിൽ പ്രവേശിപ്പിച്ചു.

എന്നാൽ ആരോ​ഗ്യ പ്രവർത്തക മരിച്ചത് കൊവിഡ് വാക്സിനെ തുടർന്നുണ്ടായ ആരോ​ഗ്യ പ്രശ്നങ്ങൾ കൊണ്ടല്ല, മറിച്ച മറ്റ് അസുഖങ്ങൾ കൊണ്ടാണെന്നാണ് തെലങ്കാന അധികൃതർ നൽകുന്ന വിശദീകരണം.