15
Jun 2021
Tuesday

കോട്ടയം ജില്ലയില്‍ കൂടുതല്‍ സീറ്റുകളില്‍ കോണ്‍ഗ്രസ് സ്ഥാനാര്‍ത്ഥികള്‍ വേണമെന്ന് ഡിസിസി

കോട്ടയം ജില്ലയിലെ കൂടുതല്‍ സീറ്റുകളില്‍ കോണ്‍ഗ്രസ് സ്ഥാനാര്‍ത്ഥികള്‍ മത്സര രംഗത്തുണ്ടാവണമെന്ന് ഡിസിസിയുടെ ആവശ്യം. ജില്ലാ അവലോകന യോഗത്തിനെത്തിയ എഐസിസി ജനറല്‍ സെക്രട്ടറി താരിഖ് അന്‍വറിന് മുന്നില്‍ ജില്ലാ നേതാക്കള്‍ ഇക്കാര്യം ഉന്നയിച്ചു. യുഡിഎഫ് ഉചിതമായ തീരുമാനം കൈക്കൊള്ളുമെന്ന നിലപാടാണ് താരീഖ് അന്‍വര്‍ യോഗത്തില്‍ കൈക്കൊണ്ടത്.

ഏറ്റുമാനൂര്‍, കാഞ്ഞിരപ്പള്ളി, പാലാ, പൂഞ്ഞാര്‍ തുടങ്ങി വിവിധ സീറ്റുകളില്‍ കോണ്‍ഗ്രസ് കണ്ണു വെച്ചിട്ടുണ്ട്.
ജോസഫ് ഗ്രൂപ്പിന്റെ സിറ്റിംഗ് സീറ്റായ ചങ്ങനാശ്ശേരിയും വേണമെന്നാണ് ആവശ്യം. യുഡിഎഫ് സീറ്റ് വിഭജന ചര്‍ച്ചകള്‍ ആരംഭിച്ചതോടെയാണ് ഡിസിസിയുടെ തിരക്കിട്ട നീക്കം. കേരള കോണ്‍ഗ്രസ് എം മുന്നണി വിട്ടതോടെ ജില്ലയില്‍ കൂടുതല്‍ സീറ്റ് വേണമെന്ന ആവശ്യം ഡിസിസി നേരത്തെ മുന്നോട്ട് വച്ചിരുന്നു.

ജില്ലായിലെത്തിയ എഐസിസി ജനറല്‍ സെക്രട്ടറി താരീഖ് അന്‍വറിന് മുന്നിലും ജില്ലാ നേതാക്കള്‍ ആവശ്യമുന്നയിച്ചു. നിയോജകമണ്ഡലം ഭാരവാഹികള്‍ക്കും തിരുവഞ്ചൂര്‍ രാധാകൃഷ്ണനടക്കം ജില്ലയിലെ മുതിര്‍ന്ന നേതാക്കള്‍ക്കും പരമാവധി സീറ്റില്‍ കോണ്‍ഗ്രസ് മത്സരിക്കണമെന്ന വികാരമാണുള്ളത്. സീറ്റ് വിഭജനത്തിലെ തര്‍ക്കം ഉഭയകക്ഷി ചര്‍ച്ചയിലൂടെ പരിഹരിക്കാനാകുമെന്നും നേതൃത്വം കണക്കുകൂട്ടുന്നുണ്ട്.

Story Highlights – DCC wants more Congress candidates in Kottayam district

കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
Top