തെലങ്കാന മുഖ്യമന്ത്രിയുടെ പിറന്നാളിന് ക്ഷേത്രത്തിൽ കാണിക്കയായി നൽകിയത് 2 കിലോഗ്രാം സ്വർണസാരി

തെലങ്കാന മുഖ്യമന്ത്രി കെ.ചന്ദ്രശേഖർ റാവുവിന്റെ പിറന്നാൾ ദിനമായ ഇന്ന് ക്ഷേത്രത്തിൽ കാണിക്കയായി നൽകിയത് 2 കിലോഗ്രാം തൂക്കം വരുന്ന സ്വർണത്തിന്റെ സാരി. ഹൈദരാബാദിലെ യെല്ലമ്മ ദേവിക്കാണ് ഈ കാണിക്ക നൽകിയത്.

നിയമനിർമാണ സഭാംഗവും മുഖ്യമന്ത്രിയുടെ മകളുമായ കെ കവിതയാണ് ക്ഷേത്രത്തിലെത്തി സാരി നൽകുന്നത്. മന്ത്രി തലസാനി ശ്രീനിവാസ് യാദവും ഒപ്പമുണ്ടായിരുന്നു.

ഇന്ന് രാവിലെ 8.45ന് ഹൈദരാബാദിലെ അമീർപീഠ് ഗുരുദ്വാരയിലെത്തി തലസാനി ശ്രീനിവാസ് യാദവ് പ്രാർത്ഥനകൾ നടത്തിയിരുന്നു. തുടർന്ന് 9 മണിക്ക് ബൽകാമ്പേട്ട് ക്ഷേത്രത്തിലെത്തി സ്വർണസാരി നൽകി.