24
Oct 2021
Sunday
Covid Updates

    ഗംഗുംഭായ് വിവാദത്തിൽ ; ആലിയ ഭട്ടിനും, സഞ്ജയ് ലീല ബൻസാലിക്കുമെതിരെ മാനനഷ്ടക്കേസ്

    ഗംഗുംഭായ് കത്ത്യവാടി സിനിമയുമായി ബന്ധപ്പെട്ട് സംവിധായകൻ സഞ്ജയ് ലീല ബൻസാലി, നടി ആലിയ ഭട്ട്, തിരക്കഥാകൃത്തുക്കൾ എന്നിവർക്കെതിരെ സമൻസ്, ക്രിമിനൽ മാനനഷ്ട കേസുമായി ബന്ധപ്പെട്ട് അഡീഷനൽ ചീഫ് മെട്രോ പൊളിറ്റൻ മജിസ്‌ട്രേറ്റ് കോടതിയാണ് നോട്ടീസ് അയച്ചത്. മേയ് 21 ന് മുമ്പ് കോടതിയിൽ ഹാജരാകാനാണ് നിർദ്ദേശം.

    കാമാത്തിപുരയിലെ ഗംഗുഭായുടെ വളർത്തുമകനെന്ന് അവകാശപ്പെടുന്ന ബാബു രാവ്‌ജിഷായാണ് സിനിമയിലെ പ്രമുഖർക്കെതിരെ മാനനഷ്ട കേസ് നൽകിയിരിക്കുന്നത്. ഹുസൈൻ സൈയ്ദിയുടെ പുസ്തകമായ മാഫിയ ക്യൂൻസ് ഓഫ് മുംബൈ അടിസ്ഥാനമാക്കിയാണ് ചിത്രം ഒരുക്കിയിരിക്കുന്നത്.

    പുസ്‌തകത്തിലെ ഗംഗുഭായ് ഗംഗുഭായ് കത്ത്യവാടിയെക്കുറിച്ചുള്ള കാര്യങ്ങൾ അപകീർത്തികരമായി പരാമർശിച്ചിരിക്കുകയാണെന്നും പ്രശസ്തിക്കും പണത്തിനും വേണ്ടി അമ്മയുടെ പേര് കളങ്കപ്പെടുത്തുന്നുവെന്നും പരേതനായ അമ്മയുടെ സ്വകാര്യത ലംഘിക്കുന്നതാണെന്നും ചൂണ്ടിക്കാട്ടിയാണ് ബാബു രാവ്‌ജി പരാതി നൽകിയത്. അതിനാൽ സിനിമ നിരോധിക്കണമെന്നാണ് രാവ്ജിയുടെ ആവശ്യം. നേരത്തെ മുംബൈ സിവിൽ കോടതിയെ ബാബു രാവ്‌ജി സമീപിച്ചെങ്കിലും കോടതി ഹർജി നിരസിച്ചിരുന്നു. പുസ്‌തകം പ്രസിദ്ധീകരിക്കുന്നത് നിർത്തണമെന്നും സിനിമയും നിരോധിക്കണമെന്നായിരുന്നു ബാബു രാവ്‌ജി ആവശ്യപ്പെട്ടിരുന്നത്.

    എന്നാൽ, പുസ്‌തകം 2011 ൽ പബ്ലിഷ് ചെയ്തതാണെന്നും 2020 ഡിസംബറിലാണ് ഹർജി സമർപ്പിച്ചിരുന്നതെന്നും ചൂണ്ടികാട്ടി കോടതി ആവശ്യം നിരസിക്കുകയായിരുന്നു.

    Read Also : ‘വെറുപ്പില്‍ നിന്നും ഇഷ്ടത്തിലേക്ക്, ഇന്ന് ഏറ്റവും ഇഷ്ടപ്പെടുന്ന നടന്‍’; മോഹന്‍ലാലിനെക്കുറിച്ച് ഉള്ളുതൊടുന്ന വാക്കുകളുമായി സുചിത്ര

    ഗംഗുഭായിയുടെ വളർത്തുമകനാണെന്ന് തെളിയിക്കാൻ കഴിയുന്ന രേഖകളൊന്നും ബാബു രാവ്‌ജിയുടെ കൈവശമില്ലന്നും കോടതി നിരീക്ഷിച്ചു.

    Story Highlights- Mumbai Court Issues Summons to Sanjay Leela Bhansali, Alia batt in Defamation case related to Gangubai Kathiawadi Movie

    കൊവിഡ് പോരാട്ടത്തില്‍ അണിചേരുകയാണ് ഫ്‌ളവേഴ്‌സും ട്വന്റിഫോര്‍ ന്യൂസും
    COVID WAR 24X7 എന്ന ക്യാമ്പെയിനിലൂടെ. ഇത് ഒരു യുദ്ധമാണ്. വിജയം മാത്രം ലക്ഷ്യംവെച്ചുകൊണ്ട് നമ്മള്‍ ഒരുമിച്ചു നയിക്കുന്ന യുദ്ധം.

    Doctor In | Covid Warriors | Stay Home Creative Challenge | Perfect Ok Photography Award | Inspire The Idea Bank

    നിങ്ങൾ അറിയാൻ ആഗ്രഹിക്കുന്ന വാർത്തകൾനിങ്ങളുടെ Facebook Feed ൽ 24 News
    Top