Advertisement

ജി. സുധാകരനെതിരായ പരാതി ചർച്ച ചെയ്യാൻ സിപിഐഎം ഏരിയ കമ്മിറ്റി യോഗം ഇന്ന്; ദൃശ്യങ്ങൾ പൊലീസിന് കൈമാറി പരാതിക്കാരി

April 21, 2021
Google News 1 minute Read

മന്ത്രി ജി. സുധാകരനെതിരായ പരാതി ചർച്ച ചെയ്യാൻ സിപിഐഎം അമ്പലപ്പുഴ ഏരിയ കമ്മിറ്റി യോഗം ഇന്ന് ചേരും. ഇന്ന് രാവിലെയാണ് യോഗം ചേരുക. മന്ത്രിക്കെതിരെ ഉയർന്ന ആരോപണങ്ങൾ യോഗം വിശദമായി പരിശോധിക്കും.

അതേസമയം, മന്ത്രിക്കെതിരായ കേസിനാധാരമായ ദൃശ്യങ്ങൾ പരാതിക്കാരി പൊലീസിന് കൈമാറി. വാർത്താസമ്മേളനത്തിന്റെ ദൃശ്യങ്ങളാണ് പൊലീസിന് കൈമാറിയത്. ദൃശ്യങ്ങൾ നൽകണമെന്ന് പൊലീസ് പരാതിക്കാരിയോട് ആവശ്യപ്പെട്ടിരുന്നു.

ആലപ്പുഴയിൽ ഒരു സ്വകാര്യ ഹോട്ടലിൽ വച്ച് നടത്തിയ വാർത്താസമ്മേളനത്തിൽ മന്ത്രി ജി. സുധാകരൻ സ്ത്രീ വിരുദ്ധ പരാമർശം നടത്തിയെന്നാണ് ആരോപണം. ഇക്കാര്യം ചൂണ്ടിക്കാട്ടി മന്ത്രിയുടെ മുൻ പേഴ്‌സണൽ സ്റ്റാഫംഗത്തിന്റെ ഭാര്യയാണ് പരാതി നൽകിയത്. കേസന്വേഷണം മരവിച്ച അവസ്ഥയിലാണെന്ന് ചൂണ്ടിക്കാട്ടി യുവതി കഴിഞ്ഞ ദിവസം രംഗത്തെത്തിയിരുന്നു.

Story highlights: G sudhakaran

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement

ട്വന്റിഫോർ ന്യൂസ്.കോം വാർത്തകൾ ഇപ്പോൾ വാട്സാപ്പ് വഴിയും ലഭ്യമാണ് Click Here