‘ഓക്സിജന് വിതരണം സംസ്ഥാന അടിസ്ഥാനത്തില് നടത്തണം’; കളക്ടറുടെ ഉത്തരവ് സ്റ്റേ ചെയ്ത് ഹൈക്കോടതി

കൊല്ലം ജില്ലയിലെ ആശുപത്രികള്ക്ക് കെ.എം.എം.എല് പ്രതിവാരം അഞ്ച് ടണ് ഓക്സിജന് നല്കണമെന്ന ജില്ലാ കളക്ടറുടെ ഉത്തരവ് സ്റ്റേ ചെയ്ത് ഹൈക്കോടതി. ഓക്സിജന് വിതരണം ഏതെങ്കിലും ഒരു ജില്ലയ്ക്ക് പ്രാമുഖ്യം നല്കി നടപ്പാക്കാന് സാധിക്കില്ലെന്നാണ് ഹൈക്കോടതി വ്യക്തമാക്കിയിരിക്കുന്നത്.
കഴിഞ്ഞ ദിവസമാണ് ജില്ലാ കളക്ടര് ഉത്തരവ് പുറപ്പെടുവിച്ചത്. കൊല്ലം ജില്ലയിലെ സര്ക്കാര് ആശുപത്രികള്ക്കും മറ്റ് ചില ആശുപത്രികള്ക്കും കെ.എം.എം.എല് പ്രതിവാരം അഞ്ച് ടണ് ഓക്സിജന് നല്കണമെന്നായിരുന്നു ഉത്തരവ്. ഇതിനെതിരെയുള്ള ഹര്ജി പരിഗണിക്കവെയാണ് ഹൈക്കോടതിയുടെ നിര്ണായക ഉത്തരവ്. ഓക്സിജന് വിതരണം സംസ്ഥാന അടിസ്ഥാനത്തില് നടക്കണമെന്ന് ഹൈക്കോടതി നിര്ദേശിച്ചു. ഇത്തരത്തില് ഒരു ഉത്തരവിറക്കാന് ജില്ലാ കളക്ടര്ക്ക് അധികാരമില്ല. സംസ്ഥാനത്ത് ഓക്സിജന് ലഭ്യത ദുരന്തനിവാരണ അതോറിറ്റി ഉറപ്പു വരുത്തണമെന്നും ഹൈക്കോടതി നിര്ദേശിച്ചു.
Story highlights: oxygen supply, high court of kerala
ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്ളവേഴ്സ്’. Book Your Tickets Now..!