തൃശൂരിൽ 4070 പേർക്ക് കൂടി കൊവിഡ്; 1467 പേർ രോഗമുക്തരായി

തൃശൂർ ജില്ലയിൽ ഇന്ന് 4070 പേർക്ക് കൂടി കൊവിഡ് സ്ഥിരീകരിച്ചു. 1467 പേർ രോഗമുക്തരായി. ജില്ലയിൽ രോഗബാധിതരായി ചികിത്സയിൽ കഴിയുന്നവരുടെ എണ്ണം 33,899 ആണ്. തൃശൂർ സ്വദേശികളായ 111 പേർ മറ്റു ജില്ലകളിൽ ചികിത്സയിൽ കഴിയുന്നു. ജില്ലയിൽ ഇതുവരെ കൊവിഡ് സ്ഥിരീകരിച്ചവരുടെ എണ്ണം 1,52,063 ആണ്. 1,17,442 പേരെയാണ് ആകെ രോഗമുക്തരായി ഡിസ്ചാർജ് ചെയ്തത്. ഇന്നത്തെ ടെസ്റ്റ് പോസിറ്റിവിറ്റി റേറ്റ് 28.82% ആണ്.

ജില്ലയിൽ ശനിയാഴ്ച സമ്പർക്കം വഴി 4044 പേർക്കാണ് രോഗം സ്ഥിരീകരിച്ചത്. കൂടാതെ സംസ്ഥാനത്തിന് പുറത്തുനിന്ന് എത്തിയ 9 പേർക്കും, 11 ആരോഗ്യ പ്രവർത്തകർക്കും ഉറവിടം അറിയാത്ത 6 പേർക്കും രോഗബാധ ഉണ്ടായിട്ടുണ്ട്. രോഗ ബാധിതരിൽ 60 വയസ്സിനു മുകളിൽ പ്രായമുള്ള 231 പുരുഷൻമാരും 286 സ്ത്രീകളും പത്ത് വയസ്സിനു താഴെ പ്രായമുള്ള 144 ആൺകുട്ടികളും 133 പെൺകുട്ടികളുമുണ്ട്. 4279 പേർ പുതിയതായി ചികിത്സയിൽ പ്രവേശിച്ചതിൽ 336 പേർ ആശുപത്രിയിലും 3943 പേർ വീടുകളിലുമാണ്.

14123 സാമ്പിളുകളാണ് പരിശോധനയ്ക്ക് എടുത്തത്. ഇതി 7767 പേർക്ക് ആൻറിജൻ പരിശോധനയും, 5910 പേർക്ക് ആർടി-പിസിആർ പരിശോധനയും, 446 പേർക്ക് ട്രുനാറ്റ്/സിബിനാറ്റ് പരിശോധനയുമാണ് നടത്തിയത്. ജില്ലയിൽ ഇതുവരെ ആകെ 14,06,400 സാമ്പിളുകളാണ് പരിശോധനയ്ക്ക് അയച്ചത്.

770 ഫോൺ വിളികളാണ് ജില്ലാ കൺട്രോൾ സെല്ലില്ലേക്ക് വന്നത്. ഇതുവരെ ആകെ 1,79,071 ഫോൺ വിളികളാണ് ജില്ലാ കൺട്രോൾ സെല്ലില്ലേക്ക് വന്നിട്ടുളളത്. 71 പേർക്ക് സൈക്കോ സോഷ്യൽ കൗൺസിലർമാർ വഴി കൗൺസിലിംഗ് നൽകി.

Story highlights: 4070 covid cases today in thrissur