കരുനാഗപ്പള്ളിയിൽ മഹേഷിന്റെ പ്രതികാരം

കരുനാഗപ്പള്ളിയിൽ ഇടത് കോട്ടയെ തകർത്ത് അട്ടിമറി വിജയം നേടി സി. ആർ. മഹേഷ്. എൽഡിഎഫ് സ്ഥാനാർത്ഥി ആർ. രാമചന്ദ്രനെ 11,597 വോട്ടുകളുടെ ഭൂരിപക്ഷത്തോടെ പരാജയപ്പെടുത്തിക്കൊണ്ടാണ് കരുനാഗപ്പള്ളിയിൽ കോൺഗ്രസിന്റെ സി. ആർ. മഹേഷ് വിജയ കിരീടമണിഞ്ഞത്.
അതേസമയം, കഴിഞ്ഞ നിയമസഭാ തെരഞ്ഞെടുപ്പിൽ 1759 വോട്ടുകൾക്കാണ് സി. ആർ. മഹേഷ് എൽഡിഎഫിന്റെ ആർ. രാമചന്ദ്രനോട് പരാജയപ്പെട്ടത്. അതിനുള്ള തിരിച്ചടിയാണ് മഹേഷിന്റെ ഈ വിജയം.
മണ്ഡല രൂപീകരണത്തിന് ശേഷം നടന്ന ആദ്യ തെരഞ്ഞെടുപ്പിൽ കോൺഗ്രസിനൊപ്പം നിന്ന മണ്ഡലം പിന്നീട് ഇടത് കോട്ടയായി മാറുകയായിരുന്നു. സാമുദായികപരമായി ഏറെ സ്വാധീനമുള്ള മണ്ഡലം കൂടിയാണ് കരുനാഗപ്പള്ളി.
Story Highlights: udf candidate cr mahesh won karunagappally
ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്ളവേഴ്സ്’. Book Your Tickets Now..!