Advertisement

മധ്യപ്രദേശ് ആരോഗ്യമന്ത്രിയെ ‘കാണാനില്ല’; കണ്ടെത്താൻ സഹായിക്കുന്നവർക്ക് 11000 രൂപ ഇനാം: കോൺഗ്രസ്

May 4, 2021
1 minute Read
Congress Health Minister Missing
വാർത്തകൾ നോട്ടിഫിക്കേഷൻ ആയി ലഭിക്കാൻ ഇവിടെ ക്ലിക്ക് ചെയ്യുക

മധ്യപ്രദേശ് ആരോഗ്യമന്ത്രിയെ കാണാനില്ലെന്ന് കോൺഗ്രസ്. സംസ്ഥാനത്ത് കൊവിഡ് ബാധ വ്യാപിക്കുന്നതിനിടെ ആരോഗ്യമന്ത്രി ഡോ. പ്രഭുറാം ചൗധരിയെ കാണാനില്ലെന്നാണ് കോൺഗ്രസിൻ്റെ ആരോപണം. മന്ത്രിയെ കണ്ടുപിടിക്കാൻ സഹായിക്കുന്നവർക്ക് 11000 രൂപ ഇനാം പ്രഖ്യാപിച്ചിട്ടുണ്ട്. വാർത്താസമ്മേളനത്തിൽ മധ്യപ്രദേശ് വർക്കിംഗ് പ്രസിഡൻ്റ് ജിട്ടു പട്‌വാരിയാണ് ആരോപണം ഉന്നയിച്ചത്.

“ആരോഗ്യമന്ത്രി എവിടെയാണെന്ന് ആർക്കുമറിയില്ല. ആർക്കെങ്കിലും അദ്ദേഹത്തെ കണ്ടെത്താനായാൽ കോൺഗ്രസ് 11000 രൂപ ഇനാം നൽകും. കൊവിഡിനെതിരായ സംസ്ഥാനത്തിൻ്റെ പോരാട്ടത്തിൽ അദ്ദേഹത്തിൻ്റെ പങ്കെന്താണ്? പൂജ്യം.”- അദ്ദേഹം ആരോപിച്ചു.

അതേസമയം, കോൺഗ്രസിൻ്റെ ആരോപണം തള്ളി ബിജെപി രംഗത്തെത്തി. ആരോപണം രാഷ്ട്രീയ ഗിമ്മിക്കാണെന്ന് ബിജെപി പറഞ്ഞു. കൊവിഡിനെതിരെ മന്ത്രിയും ആരോഗ്യവകുപ്പും പൊരുതുകയാണ്. പട്‌വാരിക്ക് മന്ത്രിയെ കാണണമെങ്കിൽ അദ്ദേഹത്തിന് നേരിട്ട് ബന്ധപ്പെടാമെന്നും ബിജെപി പറഞ്ഞു.

അതേസമയം, രാജ്യത്ത് കൊവിഡ് വ്യാപനം രൂക്ഷമായി തുടരുന്നു. 24 മണിക്കൂറിനിടെ 3,57,229 കേസുകൾ റിപ്പോർട്ട് ചെയ്തു. ഇന്നലെ 3,449 പേരാണ് കൊവിഡ് മൂലം മരിച്ചത്. 3,20,289 പേർ രോഗമുക്തി നേടി.

രാജ്യത്തെ ആകെ കേസുകളുടെ എണ്ണം രണ്ട് കോടി കവിഞ്ഞു. ആകെ 1.66 ലക്ഷം പേർക്ക് ഇതുവരെ രോഗമുക്തി നേടാനായി. 34,47,133 പേരാണ് രാജ്യത്ത് നിലവിൽ ചികിത്സയിലുള്ളത്. ഡൽഹി, മഹാരാഷ്ട്ര, മധ്യപ്രദേശ്, ഗുജറാത്ത്, ഉത്തർ പ്രദേശ് എന്നീ സംസ്ഥാനങ്ങളിൽ പ്രതിദിന കേസുകളുടെ എണ്ണത്തിൽ നേരിയ കുറവ് രേഖപ്പെടുത്തി. എന്നാൽ കേരളമടക്കം പത്തു സംസ്ഥാനങ്ങളിൽ രോഗ വ്യാപനം കൂടുതലാണ്.

Story Highlights: Congress Claims Madhya Pradesh Health Minister Missing

ചുവടുവെക്കാം പാട്ടിനൊപ്പം. കോഴിക്കോടിന്റെ മണ്ണിൽ പാട്ടിന്റെ പെരുമഴ തീർക്കാൻ ഗൗരി ലക്ഷ്മി, ഗായകൻ ജോബ് കുര്യൻ, അവിയൽ, തൈക്കുടം ബ്രിഡ്ജ് എന്നീ ബാൻഡുകളുടെ തകർപ്പൻ പെർഫോമൻസുമായി 'ഡിബി നൈറ്റ് ബൈ ഫ്‌ളവേഴ്‌സ്’. Book Your Tickets Now..!

ലോകത്തെവിടെ ആയാലും, 🕐 ഏത് സമയത്തും ട്വന്റിഫോർ വാർത്തകളും 🚀 ഓഗ്മെന്റഡ് റിയാലിറ്റി പാക്കേജുകളും 🔍എക്‌സ്‌പ്ലെയ്‌നറുകളും വിശദമായി കാണാൻ ഞങ്ങളുടെ ▶️ യൂടൂബ് ചാനൽ സബ്‌സ്‌ക്രൈബ് ചെയ്യുക 👉
നിങ്ങൾ അറിയാൻ ആഗ്രഹിക്കുന്ന വാർത്തകൾ നിങ്ങളുടെ Facebook Feed ൽ 24 News
Advertisement